Almaty turǵyndary qoǵamdyq kólikte jol aqysyn tóleı almaýda. “Ońaı” kólik kompanııasy aqaýdyń sebebin atady, dep habarlaıdy “Adyrna” ulttyq portaly.
«9 tamyz kúni saǵat 23:00-den bastap Almaty kólik holdınginiń jelisine DDOS shabýyly jasaldy», - dep habarlady kompanııa.
Shabýyl saldarynan avtobýstardaǵy tóleý tehnıkasy zaqymdanǵany aıtyldy. Keı jolaýshylarda jol júrý aqysyn kólik kartalary, SMS nemese ONAY mobıldi qosymshasy arqyly tóleý kezinde máseleler týyndaǵan.
«Mamandar máseleni sheshý úshin jumys istep jatyr, qolaısyzdyqtar úshin keshirim suraımyz», - dedi Ońaı.
Esterińizge sala keteıik, 3 tamyzdan bastap Almatyda qoǵamdyq kólikte jol júrý aqysy 120 teńgege deıin kóterildi. Qolma-qol aqshamen júrý aqysy da alynyp tastaldy.
