Jetisý oblysy Eskeldi aýdanynyń ákimi jer zańnamasyn buzǵany úshin ákimshilik jaýapkershilikke tartyldy. Bul týraly 6 maýsymda oblystyq prokýratýranyń baspasóz qyzmeti jazdy, dep habarlaıdy «Adyrna» tilshisi.
Prokýrorlar 120 gektar jerdiń jekelegen sharýa qojalyqtaryna konkýrssyz berilgenin anyqtady.
«Qadaǵalaý aktisi boıynsha bul jerler memleketke qaıtaryldy. Jalpy, jyl basynan beri Jetisý prokýrorlary jalpy kadastrlyq quny jarty mıllıard teńgeden asatyn 103 myń gektardan astam aýyl sharýashylyǵy jerlerin qaıtardy. Bul jerler uzaq ýaqyt boıy ıgerilmeı, maqsaty boıynsha paıdalanylmaı, sondaı-aq jer zańnamasyn buza otyryp berilgen», - delingen habarlamada.
