Jetisý oblysynda aýyl ákimi kreslosynda vıdeo túsirgen blogerge ákimshilik jaza taǵaıyndaldy, dep habarlaıdy "Adyrna" ulttyq portaly.
Belgili bolǵandaı, is Taldyqorǵan qalasynyń ákimshilik sotynda qaraldy.
Buǵan deıin jelide blogerdiń ákim kreslosynda otyryp alyp, memlekettik jumys týraly sóz sóılegen vıdeosy taraǵan bolatyn.
Jetisý oblystyq sotynyń baspasóz qyzmeti habarlaǵandaı, vıdeo 20 aqpan kúni saǵat 18:00 shamasynda Qarabulaq aýylynda túsirilgeni anyqtaldy. G. esimdi azamat Eskeldi aýdany Qarabulaq aýyldyq okrýgi ákiminiń keńsesinde otyryp, beınejazbaǵa túsirip, Instagram jelisinde basqalarǵa qurmetsizdik kórsetken.
«Quqyq buzýshylyq – usaq buzaqylyq polıııa ınspektorynyń quqyq buzýshylyqty tirkeý týraly hattamasymen, ákimshilik quqyq buzýshylyq týraly hattamamen, proeske qatysýshylardyń jazbasha jáne aýyzsha túsiniktemelerimen rastalady. Sot otyrysynda er adam óz kinási men quqyq buzýshylyq jasaǵanyn moıyndap, sottan ony qatań jazalamaýdy surady. Sot G.-ǵa qatysty ákimshilik jazany taǵaıyndaý kezinde kinásin moıyndaý men jasalǵan quqyq buzýshylyqtyń sıpatyn eskere otyryp, buzaqy 20 AEK (73 myń 840 teńge) mólsherinde ákimshilik aıyppul túrindegi ákimshilik jazaǵa tartyldy", - dep habarlady oblystyq Jetisý sotynyń baspasóz qyzmeti.
Qaýly zańdy kúshine engen joq.
"Adyrna" ulttyq portaly
