Şymkentte emşı 6 balany asyrap, olardy jūmysqa jekken. Būl turaly Gülmira Äbıqai äleumettık jelıdegı paraqşasynda jazba jariialady, dep habarlaidy “Adyrna” ūlttyq portaly.
Bırneşe jyldar būryn Ūlyqbek emşı turaly respublikalyq arnalar “Äruaqty emşı” degen habar daiyndaǧan eken. Jurnalistke emşını tanityn qaryndasy hat jazǧan.
"Ūlyqbek Smanov Oŋtüstık öŋırdıŋ Ordabasy audany, Kökbūlaq auylynda tuyp ösken. Ata-äjesınıŋ qolynda tärbielengen eken. Naqty jasy 51-de. Äjesınıŋ aituynşa bala kezde keşkısın Badam özenınıŋ jaǧasynda ūiyqtap qalǧan, sodan auytqu bastaldy. Körşı-qolaŋ mazaqtap külıp, ata-äjesı “balamyzdyŋ öz älemı bar” dep qorǧaştady. Eseie kele auytquy asqynyp, psih. dispanserde emdelgenı ras",- dep jazǧan qaryndasy.
Keiın emşılıkpen ainalysa bastaǧanyn, tıptı mektepte muzykadan sabaq bergenın de aitty.
"Äruaq qondy dep, arqasy qozyp, özdıgınen saǧattap söilei bastaidy. Zıkır oqyp, qamşymen dem salamyn dep jürdı özı. Arasynda qazaq-arab universitetın oqydym dep, 2010-şy jyldary Otyrar kolledjınde muzykadan sabaq ta bergen. Keiın üilenıp, mal baǧyp, maldy-jandy bolyp tūrmysy köterıldı",- delıngen hatta.
Qaryndasy aǧasynyŋ İndira esımdı jary bar eken, ol ekeuı äjelerın asty-üstıne tüsıp qaraǧanyn da jazǧan.
"Ol psih bolnisada uchetta tūrsa asyrauǧa 6 balany kım berdı, nege berdı, nege teksermegen? Bız tıpten bılmedık būl üide 6 bala baryn, älde, jüike auytquyn bılıp, bauyrymyzdy bıreu podstavit ettı me eken? Aqşaǧa mūqtaj emes, mal-jany bar adam. Ömır baqi qarausyz mysyq-küşıktı jaǧalap, artynan şūrqyratyp tamaq berıp jüretın. Eger, 4 jyl boiy 6 balaǧa aqşa alyp kelse ony qaida, kım jūmsady eken?", - deidı emşınıŋ qaryndasy.
Qazır Ūlyqbek Smanov emdeu bölımıne jatqyzyldy. Balalar üiıne habarlasqan 16 jasar ūl men qyz Şymkent qalalyq qiyn jaǧdaiǧa tüsken balalardy beiımdeu ortalyǧynda. Qalǧan 4 bala böbekter üiıne ornalastyrylǧan.
Būǧan deiın Şymkenttegı otbasynyŋ 6 balany asyrap alǧany jaily Balalar qūqyqtary jönındegı Uäkıl Dinara Zäkieva jazǧan.
Mälımet boiynşa, otbasy asyrandy 6 balany jyldar boiy azaptap kelgen. Emşılıkpen ainalysatyn otaǧasy balalardy juyndyrmai, aş qūrsaq ūstaǧan. İt pen mysyqtyŋ etın jegızıp, zärın ışkızgen.
«Sarailaryna kırdık. Gaz balllonynda 32 mysyq bailauly tūr eken. Bala būl mysyqty şetınen soiyp, bızge tamaq beredı dedı. Müldem şomylmaǧan, denelerın qasyǧan. Tünde balalardy qasynbasyn dep bailap qoiady eken», — deidı Jazyqbaeva.
Büldırşınderdıŋ bırı atalǧan otbasyǧa nebärı 1,5 ailyǧynda qamqorlyqqa berılgen.
Şymkentte emşı kämelet jasyna tolmaǧan 6 balany 2021 jäne 2023 jyldary qamqorlyǧyna alǧan. Olardyŋ ekeuı sot şeşımımen äielı ekeuınıŋ asyrandy balalary sanalsa, qalǧan törteuı özınıŋ qamqorşylyq tärbiesınde bolǧan.
Balalardyŋ ülkenı - 2008 jyldyŋ säuırınde düniege kelgen ūl bala. 2021 jyldyŋ 7 şıldesınde Şymkent qalalyq bılım basqarmasy basşysynyŋ №344 būiryǧymen emşıge qamqorşylyqqa berılgen. 2021 jyldyŋ 12 qazanynda Şymkent qalasynyŋ kämeletke tolmaǧandardyŋ ısterı jönındegı mamandandyrylǧan audanaralyq sotynyŋ şeşımımen jasöspırımdı emşı men onyŋ äielı asyrap alǧan.
2021 jyldyŋ 17 mamyrynda tuǧan qyz bala 2021 jyldyŋ 7 şıldesınde Astana qalalyq bılım basqarmasy basşysynyŋ № 336 būiryǧymen qamqorşylyqqa berılgen. Emşı men onyŋ jūbaiy 2023 jyldyŋ 30 qazanynda büldırşındı sot şeşımımen asyrap alǧan.
Üşınşı jäne törtınşı perzent - 2021 jyldyŋ 26 mamyrynda düniege kelgen egız ūl men qyz. Egızder 3 aiǧa jeter-jetpes jasta 2021 jyldyŋ 18 tamyzynda Astana qalalyq bılım basqarmasy basşysynyŋ № 436 būiryǧymen emşıge qamqorşylyqqa berılgen.
2020 jyldyŋ jeltoqsanynda düniege kelgen jäne 2019 jyldyŋ mausymynda tuǧan ekı ūl bala 2023 jyldyŋ 19 qyrküiegınde Şymkent qalalyq bılım basqarmasy basşysynyŋ būiryǧymen qamqorşylyqqa berılgen.
Qalalyq bılım basqarmasy balalardy qamqorlyqqa beru jäne asyrap alu proseduralary Bılım jäne ǧylym ministrınıŋ 2020 jyldyŋ 24 säuırdegı № 158 «Otbasy jäne balalar salasyndaǧy memlekettık körsetıletın qyzmetter körsetu qaǧidalaryn bekıtu turaly» būiryǧymen belgılengen tärtıppen jüzege asyrylǧanyn alǧa tartty.
«2021 jyldyŋ 7 säuırınde bılım basqarmasyna Şymkent qalasy Abai audany Kökbūlaq tūrǧyn alabynda tūratyn azamattan jetım jäne ata-anasynyŋ qamqorlyǧynsyz qalǧan kämeletke tolmaǧan balalardy qamqorşylyqqa alu üşın kandidat retınde respublikalyq derekter bankıne esepke qoiu üşın tiıstı qūjattarymen ötınışı kelıp tüstı. Ūsynǧan qūjattar basqarma qyzmetkerlerı tarapynan zerdelenıp tekserıldı. Saraptama jürgızılıp, ötınışte körsetılgen mekenjai boiynşa tūrǧyn üi-tūrmystyq jaǧdaiy turaly akt jasaldy. Joǧaryda atalǧan räsımderdıŋ oŋ nätijesıne bailanysty azamat jetım jäne ata-anasynyŋ qamqorlyǧynsyz qalǧan balalardy qorǧanşylyq jäne qamqorşylyqqa alu üşın kandidat retınde respublikalyq derekter bankınde tırkeldı», - dedı basqarmadaǧylar.
Ūqsas jaŋalyqtar
