Ulttyq ýnıversıtterdiń rektorlary budan bylaı konkýrstyq negizde tańdalady. Almaty – álemdegi eń qaýipti elderdiń tiziminde. Bul týraly informburo.kz habarlaıdy.
Qazaqstandyqtardyń úshten biri bılikten ózgerister kútedi
Demoscope qoǵamdyq pikirge jedel monıtorıng júrgizý bıýrosy Qazaqstan azamattary arasynda 9-shy maýsymda ótken Prezıdent saılaýyna qatysty saýalnama júrgizipti. Oǵan eldegi 14 oblys pen respýblıkalyq mańyzy bar qalalarda (Nur-Sultan, Almaty, Shymkent) turatyn 1100 adam qatysqan. Olardyń 49%-y saıası habarlarǵa anda-sanda kóz salsa, úshten biri ony múlt jibermeıtini belgili bolǵan.
Halyqtyń besten biri ǵana elde bolyp jatqan oqıǵalarǵa beı-jaı qaraıdy eken. Respondentterdiń 67%-y saılaýǵa qatystym dep jaýap bergen. Suralǵandardyń jartysy (53%) Q.Toqaev qyzmetine resmı túrde kiriskennen keıin eldegi jaǵdaı jaqsarady dep úmitti. Úshten biriniń (28%) boljamynsha, barlyǵy sol qalpynda qalady. Qazaqstandyqtardyń basym bóligi úshin eldegi turaqtylyq asa mańyzdy. Azamattardyń úshten biri (33%) bılikten oń ózgerister kútedi.
Saýalnamaǵa jaýap bergenderdiń arasynda 18-24 aralyǵyndaǵy jastar arasynda narazylyq nyshandary baıqalady. Basqa toptarǵa qaraǵanda, osy jastar ózgeristerdiń bolǵanyn qatty qalaıdy eken (48%). 55 pen 64 jas arasyndaǵy qatysýshylarǵa eldegi turaqtylyq mańyzdy.
46 myń astanalyq medıınalyq saqtandyrý júıesinen tys qalǵan
Bas qaladaǵy №2 kópbeıindi aýrýhananyń bas dárigeri Ivan Lıdiń aıtýynsha, olardyń bári ózin-ózi jumyspen qamtyǵan azamattar.
- Qysqa ýaqytta halyqtyń osy tobynyń statýsyn anyqtamasaq, 2020 jyldan bastap áleýmettik daý-damaı týyndaý qaýpi bar, – deıdi I.Lı.
Bas dáriger buqaranyń basym bóliginiń keler jyly ózderin ne kútim turǵanynan beıhabar ekenin aıtady.
Adam quqyqtary jónindegi ýákil Bilim mınıstrine úndeý jarııalady
QR Ombýdsmeni A.Shákirovtiń aıtýynsha, balalardy alty jastan mektepke qabyldaý júzege asyrý mańyzdy paıymdaýdy talap etedi. Sonyń ishinde Qazaqstan Respýblıkasynyń Ákimshilik quqyq buzýshylyq týraly kodeksiniń 127-babyna sáıkes ony oryndamaý aıyppuldan ákimshilik qamaýǵa deıin jazaǵa ákep soǵady.
- Kelip túsken ótinishterdi taldaý nátıjesinde, kóptegen azamat úshin bul jańalyq fors-majorlyq jaǵdaı bolyp tabylatyn atap ótý qajet. Óıtkeni jańa normanyń kúshine enýi 2016 jyldyń sáýir aıynda zań júzinde qarastyrylǵanyna qaramastan, qajetti aqparattyq-daıyndyq jáne tájirıbelik súıemeldeý júrgizilmegen,- delingen ombýdsmenniń baspasóz qyzmeti taratqan habarlamada.
Adam quqyqtary jónindegi ýákil ótken jyly elimizdiń mektepterinde bir synypqa 25 oqýshydan kóp bala qabyldanǵanyn atap ótti. Ol munyń zańbuzýshylyq ekenin, bıyl da osy jaǵdaı qaıtalanyp, úsh aýysymdy mektepter sany kóbeıý qaýpi baryn aıtady. Bul turǵyda ombýdsmen úndeýhatynyń sońynda ýákiletti organǵa jaǵymdy bastamany iske asyrý kezinde jaǵymsyz saldarlardy boldyrmaý sharalaryn qabyldaý maqsatynda qalyptasyp jatqan jaǵdaıdy jan-jaqty taldaýdy usyndy.
Ulttyq ýnıversıtterdiń rektorlary budan bylaı konkýrstyq negizde tańdalady
Bul týraly Prezıdent Q.Toqaev óziniń Twitter-degi paraqshasynda jazdy.
"QR Bilim jáne ǵylym mınıstri Ashat Aımaǵambetovke ulttyq ýnıversıtetterdiń rektorlaryn konkýrstyq negizde Úkimet qaýlysymen taǵaıyndaý jóninde normatıvtik qujattar ázirleýdi tapsyrdym. Qazirgi rektorlardy Prezıdent jarlyǵymen taǵaıyndaý proedýrasy kúshin joıady" delingen Memleket basshysynyń jazbasynda.
Almatynyń aýdandyq ákimdikteri múgedekterdi jumyspen qamtýǵa bólingen qarajattardy ıgermegen
"Áleýmettik qyzmetkerler, múgedekter jáne eriktiler assoıaııasy" qoǵamdyq birlestiginiń prezıdenti Gúlnur Hakimjanovanyń aıtýynsha, 2018 jyly múmkindigi shekteýli jandarǵa 770 jumys ornyn ashý úshin 105 mln teńge bólingen. Alaıda ákimdikter bul qarjynyń 24 mln ıgerip, josparly kórsetkishtiń 13%-yn ǵana oryndaǵan. Birlestik basshysy atqarýshy organdardyń baǵdarlamany júzege asyrmaı otyrǵanymen birge, ony oryndaýǵa jaýapty emestigin alǵa tartty. Bul rette kásipkerlerdiń múgedekterdi jumysqa turǵyzýǵa qulyqsyzdyǵy da aıtyldy.
Eýrazııa ekonomıkalyq odaǵyna múshe elder valıýta baǵamynyń saıasatyn úılestirý jóninde keńes qurady
Odaqqa múshe elderdiń baǵam saıasaty jónindegi keńesi týraly kelisim jobasyn Eýrazııa ekonomıkalyq komıssııasy maquldady. Qujat odaq týraly kelisim-shart sharttary negizinde ázirlengen.
Onda baǵam saıasatyn quramyna odaqqa múshe elderdiń ulttyq bank tóraǵalary kiretin bólek organ úılestiretini nyqtap jazylǵan.