Halyqaralyq balalardy qorǵaý kúninde «Jas dáýren» lageri alǵashqy jazǵy aýysymdy qabyldady. Alǵashqylylar bolyp Shortandy aýdanynan júzge jýyq bala demalysyn oblystyń qala syrtyndaǵy lagerinde bastady.
«Balalarǵa osy kúnderi kóńildi estafetalar, sýret úıirmesinde, aǵash óńdeý sheberhanasyndaǵy jumystar, bı keshi, keshki kınoteatr, kóńildiler klýby uıymdastyryldy. Stadıonda otrıad arasynda fýtbol, voleıbol jarysy da ótkiziledi. Demalýshy balalar 5 mezgil tamaqtanady»,-deıdi lager basshylyǵy.
Osy jazda qala syrtyndaǵy demalys 15 maýsymdyq balalar saýyqtyrý ortalyǵy men 2 jyl boıy jumys isteıtin lagerlerinde ótkiziledi. Oblys aýmaǵynda úzbeı jyl boıy Sandyqtaý aýdanyndaǵy «Jas dáýren» lageri jáne Býrabaı aýdanyndaǵy «Baldáýren» respýblıkalyq oqý-saýyqtyrý ortalyǵy jumys júrgizýde. 15 maýsymdyq lagerdiń 7-i memlekettik jáne 8 jeke uıym. Memlekettik lagerler Soltústik Qazaqstan oblysynyń Aqkól, Zerendi, Býrabaı, Ereımentaý, Sandyqtaý aýdandarynda jáne Aıyrtaý aýdanynda jumys júrgizetin bolady. Jeke lagerler Býrabaı, Zerendi, elınograd jáne Birjan sal aýdanynda ornalasqan.
Jaz boıy barlyǵy balalar 7-10 kúnge sozylatyn 6-7 aýysymda demalady.
«Jaz boıy qala syrtyndaǵy lagerlerde 14 500-ge jýyq aqmolalyq oqýshyny qamtý josparlanǵan. Olardyń bir jarymnan astamy tegin demalady. Halyqtyń áleýmettik osal toptarynan shyqqan balalar úshin «Jalpyǵa birdeı bilim berý» qorynan joldama satyp alýǵa 121,5 mln. teńge qarastyrylǵan», - dep bólisti oblystyq basqarma basshysy Shoqan Orazalın.
Sonymen qatar, jazǵy kezeńde oblystyń 265 oqýshysy «Baldáýren» respýblıkalyq ortalyǵynyń fılıaldaryna barady. 5 maýsymnan bastap áleýmettik osal toptardyń 150 balasy «Zvezdnyı» BSO bazasynda saýyqtyrylady.
Qazirgi ýaqytta QR Bilim mınıstrligimen birlesip «Qazaqstan halqyna» qorynyń qarajatynan aýyl mektepteriniń 5-8 synyptarynyń 1005 oqýshysyna tegin demalys uıymdastyrý týraly másele pysyqtaldy. Olar shyǵarmashylyq, ıntellektýaldy, sporttyq jarystar men festıvalderdiń jeńimpazdary.
Sonymen qatar, 34 myńnan astam balanyń qatysýymen tamaqtanatyn 198 mektep janyndaǵy alań jáne 56 myńǵa jýyq oqýshy demalatyn tamaqsyz 290 mektep janyndaǵy alań jumysy uıymdastyrylýda.
Táýekel tobyndaǵy balalar da, halyqtyń áleýmettik qorǵalmaǵan toptaryndaǵy balalar da nazardan tys qalmaıdy. 7000 balanyń qatysýymen balalardyń jazǵy demalysynyń 47-ge jýyq az shyǵyndy nysandary jumyldyrylady. Bul ólketaný joryqtary, ekskýrsııalar,shatyrlar, kıiz úıler.
Barlyq demalys túrlerimen 120 500 aqmolalyq bala qamtylatyn bolady.
