Iran prezıdenttigine alǵashqy áıel úmitker retinde tirkeldi. Bul týraly 1 maýsym kúni Mehr agenttigi jarııalady, dep habarlaıdy “Adyrna” ulttyq portaly.
Aqparatqa súıensek, Irannyń burynǵy depýtaty, ǵalym Zohre Elahıan prezıdent Ibrahım Raısı ushaq apatynan qaıtys bolǵannan keıin belgilengen kezekten tys prezıdent saılaýyna úmitker retinde tirkelgen alǵashqy áıel boldy.
“Islam Iran aspanynan úmit nury kórindi. Óz elimniń áıelder qoǵamynyń ókili retinde saılaý keńsesine qujattardy tapsyrdym», — dep jazdy Elahıan óziniń X paraqshasynda.
Mehr agenttigi málámdegendeı, úsh kúnde prezıdent saılaýyna qatysýǵa 17 adam ótinish bildirgen.
Olardyń arasynda parlamenttiń burynǵy basshysy Álı Larıdjanı, Ortalyq banktiń burynǵy basshysy Abdýl Nasyr Hemmatı, Islam revolıýııasy Saqshylar korpýsynyń burynǵy qolbasshysy general Vahıd Hagganıan, Tegeran meri Alıreza Zakanı jáne Irannyń rýhanı jetekshisi Aıatollanyń Ulttyq qaýipsizdik Joǵary keńesindegi ókili Saıd Djalılı bar.
Iran parlamentiniń qazirgi alty múshesi jáne burynǵy bes múshesi de saılaýǵa túskisi keletinin bildirgen.
Úmitkerlerdi tirkeý 30 mamyrda bastalyp, 3 maýsymǵa deıin jalǵasady.
4 maýsymnan bastap Konstıtýııany saqtaýshylar keńesi kandıdattardy bir apta boıy qarap, kandıdattyń el prezıdenti laýazymyna saı keletin-kelmeıtinin anyqtaıdy.
Sońǵy tizim 11 maýsymda jarııalanady.
Saılaý naýqany eki aptaǵa — 12 maýsymnan 26 maýsymǵa deıin jalǵasady.
Saılaýǵa bir kún qalǵanda «únsizdik kúni» jarııalanady, bul ýaqytta úgit-nasıhat jumysyn júrgizýge tyıym salynady.
Prezıdent saılaýy 28 maýsymda ótedi. Ekinshi týr qajet bolǵan jaǵdaıda 5 shildege belgilenedi.
31 mamyrda Irannyń saılaýaldy shtabynyń ókili Mohsın Islamı úsh áıeldiń «shartqa saı kelmegeni úshin» tirkelmegenin habarlaǵan.
Eske salaıyq, Iran prezıdentini ushaq apatynan qaza tapty.
