Mektep oqýshysy Gonkongtaǵy oqý ornyna shaqyrtý aldy, dep habarlaıdy "Adyrna" ulttyq portaly.
Bul aqparatty Nazarbaev Zııatkerlik mektebiniń baspasóz qyzmeti jarııa etti.
Nazarbaev Zııatkerlik mektebiniń 12-synyp oqýshysy Ádilbı Sákenov farmakologııaǵa qyzyǵady. Ol QS Ranking 65-orynda turǵan Gonkong polıtehnıkalyq ýnıversıtetinen (PolyU) shaqyrtý aldy. Oqýshynyń baǵyty – hımııalyq tehnologııa jáne bıotehnologııa.
«Dári-dármektiń aǵzaǵa áseri jáne dertti emdeýge kómektesetini sıqyr ispettes. Árıne, sala týraly kóbirek bile otyryp, ýaqyt óte kele buryn sıqyr dep oılaǵan nárse qarapaıym hımııa ekenin túsinesiz. Biraq ony qarapaıym dep ataýǵa bolmaıdy, óıtkeni dári-dármek jasaý shynymen kúrdeli jáne uzaq proess. Árbiri zertteýden ótip, qaralýy birneshe jylǵa deıin sozylady. Osy kezeń qanshalyqty qıyn bolyp kórinse de, maqsatym – búkil álemge belgili bolatyn dári-dármek jasaýǵa qatysý», – dedi ol.
JOO-da barlyq oqý men turýdy qamtıtyn grant alý úshin Ulttyq biryńǵaı testileýden 138-140 upaı jınaý kerek. Al ol jaqtaǵy oqý aqysy – 210,000 $HK.
