Maŋǧystau oblysy Beineu audanyndaǧy tülekterdıŋ ata-analary 25 mamyr künı tüs aua Boranqūl auylynda soŋǧy qoŋyraudan keiın bolǧan jappai töbeleske bailanysty bırneşe videohabarlama joldady, - dep habarlaidy “Adyrna” ūlttyq portaly.
Ata-analar balalarynyŋ qylyǧy üşın Qazaqstan halqynan keşırım sūrady. Tülekterdıŋ äkelerı men analary töbeles saldarynan eşkım zardap şekpedı dep sendırdı. Olardyŋ aituynşa, mūǧalımder, mektep direktory jäne polisiia qyzmetkerlerı tüsındıru jūmystaryn jürgızgen. Eşqandai şaǧymdar joq.
Tülekterdıŋ özderı de keşırım sūrady. Olar töbelestıŋ qandai da bır «kelıspeuşılıkten» tuyndaǧanyn aitty. Sondai-aq olar ata-analardan, mektep basşylyǧynan jäne mūǧalımderden keşırım sūrady.
https://youtu.be/aRkA6Fw2NAw
Esterıŋızge sala keteiık, senbı, 25 mamyr künı tüs aua Maŋǧystau oblysy, Beineu audany, Boranqūl (būrynǧy Opornyi) auylynda tülekter arasynda jappai töbeles bolǧan edı. Oqiǧa videoǧa tüsıp qalyp, äleumettık jelıde jariialanǧan. Kadrda bırneşe ondaǧan jasöspırımnıŋ töbelesıp jatqany, olardyŋ keibırınıŋ jinalǧandarǧa tas laqtyryp jatqany körınedı.
Oblystyq polisiia departamentı būzaqylyqqa qatysty qylmystyq ıs qozǧalǧanyn habarlady. Kämeletke tolmaǧan 47 jasöspırım polisiiaǧa jetkızıldı.
Ūqsas jaŋalyqtar
