BQO-da 233 túlek «Altyn belgiden» úmitti

2548
Adyrna.kz Telegram

 Oqý jylynyń aıaqtalýynyń qarsańynda Ǵanı Beısembaev «Altyn belgige» úmitkerlermen kezdestti. Úzdik oqý úlgerimimen erekshelengen jeti myńnan astam mektepbitirýshige mınıstr óziniń aqyl-keńesin aıtyp, baǵyt-baǵdar berdi.

         Ǵanı Beısembaev mektepte alǵan bilimniń bolashaqta kásibı tabysqa jetýdiń myqty irgetasyna aınalaryna senimdilik bildirdi.
         Bilim bul kez kelgen tabystyń irgetasy. Senderdiń bıik maqsattarǵa jetýge degentalaptaryń men tabandylyqtaryń qýantady. Mektep qabyrǵasynda belsendi bolyp, ózderińizden keıingi oqýshylarǵa úlgi bola bilgenderińiz úshin alǵysymdy bildiremin. Bıylǵy jyly 186 myń mektep bitirýshi ómirlerindegi jaýapty sátke qadam basqaly otyr. Árqaısylaryńyz aldaǵy emtıhandysátti tapsyryp, óz maqsattaryńyzǵa qol jetkizesizder dep senemin. Sizderge bilim jolyndaúnemi izdenis pen talpynys, tabys pen sáttilik tileımin, dedi Ǵanı Beısembaev.

         Ár óńirden qosylǵan oqýshylar pikirlerimen bólisti. Jetistikke jetý, Otanymyzdyń órkendeýine úles qosar maman bolýǵa yntaly ekendikterin jetkizdi. Bizdiń óńirden jalpy bilim beretin pánder boıynsha respýblıkalyq olımpıadanyń júldegeri, Oral qalasyndaǵyA.Taımanov atyndaǵy №34 mektep-gımnazııasynyń 11 synyp oqýshysy Rahat Inabat óz oıyn ortaǵa saldy.

Qyzyl tilin semser qylyp, rýhyn baıraqqa baılaǵan qazaqtyń búgingi óskininiń ókili retinde ózimdi osy topta kórgenimdi mártebe sanaımyn. «Alyp bolý úshin alaqandaı baq ta jetip jatyr, bastysy rýhtyń bıik bolýy» dep alashty urandatqan Álıhan atamyz aıtpaqshy, biz úshin, bolashaq úshin bastysy bilim men tuǵyrly bıikterge arnalǵan talpynys qana. Aldymen ata-ananyń, keıin qoǵamnyń yqpalynda damıtyn urpaqtyń búgingi maqsaty da Otanǵa qyzmet qylý bolmaq. Men de sol tóńirekte álem ádebıetine úles qosýdy qalaımyn. Bolashaqta lıngvıstıka mamandyǵyn meńgerip, dúnıejúzilik uıymdar arasynda Qazaqstan kóshbasshysy bolýdy armandaımyn. Qazirgi talpynystarym túgel derlik armandaryma baǵyttalǵandyqtan, súıikti isti jarqyn bolashaqqa aınaldyrýda kederginiń kóp bolmasyna senemin. Eger kishkene tulǵa tárbıe men bilimdi, mahabbatty qatar alyp ósse, onyń shákirttik sanasynda qalyptasqan sezim – erteńgi el bolashaǵyna degen senimge aınalary shúbásiz. Sondyqtan jınalǵan qaýym tek mektep maqtan tutar emes, kúlli Qazaqstannyń kók baıraǵyn joǵary arenalarda kóteretin keleshektiń tulǵalary retinde tanıyq,  – degen daryndy qyzdyń júrek túkpirinen shyqqan jalyndy sózder qatarlastaryna oı saldy.
        Kezdesý kezinde túlekterdiń árqaısysy ózderiniń jetistikteri týraly aıtyp, bolashaqjosparlarymen bólisti, mınıstrge suraqtaryn qoıdy, pikir almasty. Kezdesýge qatysýshylar sapaly bilim alý múmkindigin berip, qoldaý tanytqan elimizdiń úkimetine alǵystaryn bildirdi.
   Aıta ketý kerek, bıylǵy elimiz boıynsha «Altyn belgige» 7000-nan astam bilim alýshy úmitker bolsa, sonyń 233-i bizdiń óńirimizden. 

Bıyl Oral qalasy boıynsha 2480 oqýshy orta mektepti aıaqtasa, onyń 40-y «Altyn belgige» úmitker.

Pikirler