Grýzııa prezıdenti parlamenttiń úsh oqylymda qabyldaǵan «Sheteldik yqpaldyń ashyqtyǵy týraly» zańǵa qol qoıdy, dep habarlaıdy "Adyrna" ulttyq portaly BBC-ge siltep.
Prezıdent Salome Zýrabıshvılı osy aptanyń basynda el parlamenti qabyldaǵan «Sheteldik yqpaldyń ashyqtyǵy týraly» zańǵa veto qoıdy. Bul týraly prezıdent feısbýk paraqshasynda jarııalaǵan.
«Men "Reseı zańyna" veto qoıdym. Bul zań óz máni boıynsha, óz rýhy boıynsha bizdiń konstıtýııaǵa jáne barlyq eýropalyq standarttarǵa qaıshy keletin reseılik zań bolyp tabylady jáne osylaısha bizdiń eýropalyq jolymyzǵa kedergi bolyp tabylady», - dedi prezıdent.
Prezıdenttiń aıtýynsha, veto 18 mamyr kúni parlamentke jiberilgen.
«Bul zań eshbir ózgertýge nemese jaqsartýǵa jatpaıdy... Bul zańnyń kúshi joıylýy kerek», - dedi prezıdent.
Bıliktegi «Grýzın armany» partııasy Zýrabıshvılıdiń vetosyn joqqa shyǵarý úshin parlamentte jetkilikti daýysqa ıe.
Al 14 mamyrda Grýzııa parlamenti «Sheteldik yqpaldyń ashyqtyǵy týraly» zań jobasyn úshinshi jáne sońǵy oqylymda qabyldady. Zań jobasyn úshinshi oqylymda 84 depýtat qoldady. Otyz adam qarsy daýys berdi.
Bul zań myńdaǵan narazylyq pen batystyq seriktesterdiń Grýzııa bıligine qarsy buryn-sońdy bolmaǵan synǵa alyp keldi.
Parlamenttegi talqylaý Tbılısı ortalyǵynda jıi sherýshiler men polıııa arasyndaǵy qaqtyǵystarmen jáne tutqyndaýlarmen aıaqtalatyn jappaı narazylyqtar fonynda ótti.
Oppozıııanyń pikirinshe, zań jobasy «shetel agentteri» týraly reseılik zańnamany qaıtalaıdy, al zańnyń qabyldanýy reseılik senarııge aınalý qaýpi bar — bılikti synaıtyn táýelsiz uıymdar men BAQ jumysyn stıgmatızaııalaý jáne toqtatý.
Sonymen qatar, zańǵa qarsylar zań jobasyn tek sóz bostandyǵy men azamattyq qoǵamǵa ǵana emes, osydan jarty jyl buryn EO músheligine úmitker mártebesin alǵan Grýzııanyń eýroıntegraııasyna qaýip tóndiredi dep sanady.
Eske sala keteıik, Grýzııa prezıdenti Salome Zýrabıshvılı buǵan deıin parlament zańdy sońǵy oqylymda maquldasa, oǵan veto quqyǵy qoıylatynyn málimdegen bolatyn.
