Экс-президент Нұрсұлтан Назарбаевтың қызы Әлия Назарбаеваға рейдерлік шабуыл жасады дегендер халықаралық органдарға шағымданбақ, деп хабарлайды “Адырна” ұлттық порталы ҚазТАГ агенттігіне сілтеп.
Өздерін Әлия Назарбаеваның рейдерлік басып алуының құрбанымыз деп санайтын және «Ескі Қазақстан құрбандары» қозғалысына біріккен кәсіпкерлер шетелде құқықтық қолдау іздеп жүр.
Мамырдың 16-сы күні Алматыда өткен баспасөз мәслихатында «Ескі Қазақстан құрбандары» қозғалысының өкілдері өз мүдделерін қорғау үшін халықаралық билікке жүгінуге уәде берді. Тұңғыш президенттің қызы бизнесін басып алды деп айыптаған «TPK Asia» компаниясының бұрынғы иелерінің бірі, кәсіпкер Нұрлан Бимурзин Қазақстанда оның бизнесіне ешқандай ілгерілеушілік жасалмағанын айтты.
«Ақпан айында біз Бас прокуратураға арыз бердік. Ол істі полицияға жеткізді. Ол өз кезегінде материалдарды Алматы қаласы Алмалы аудандық ішкі істер басқармасына тапсырды, бірақ біздің Алмалы ауданына еш қатысымыз жоқ. Қылмыстық іс қозғаудан бас тартып, материалдарды Алматы қалалық Экономикалық даму департаментіне тапсырды да, олар бізге: «Біздің бұған не қатысымыз бар»,- деді. Біз тергеу сотына арыз бердік, олар бізден бас тартты, сосын қалалық сотқа бердік, ол да солай істеді. Біз өз елімізде, өз үйімізде қорған тауып, әділдікке жете алмай жатырмыз»,- деп шағымданды Нұрлан Бимурзин.
Нұрлан Бимурзиннің айтуынша, мұндай жағдайда «Ескі Қазақстанның құрбандары» халықаралық деңгейге шығуға жол іздеуге мәжбүр. TPK Asia-ның бұрынғы иелері өздерінің мүдделерін қорғау және рейдерлік басып алу фактісін дәлелдеу үшін халықаралық заң фирмаларымен ынтымақтасуға ниетті.
Ол сондай-ақ, Назарбаеваның рейдерлік басып алуынан зардап шеккендердің барлығын өздеріне қосылуға шақырды.
«Мен олардың көп екеніне сенімдімін. Тек осында отырғанымызға, аман, сау екенімізге назар аудартқымыз келеді. Бізге ештеңе болған жоқ, қоқан-лоққыларға қарамастан, ниетіміз, ынта-жігеріміз, рухымыз биік!». – деді Бимурзин.
Адвокат Олжас Әбілқайыр бұл істі қарау кезінде қызықты ақпарат жариялады.
«Ең қызығы, біздің елде заң бар, бірақ ең өкініштісі – ол біреудің мүддесін қорғайды, ал біреудің мүддесін кездейсоқ таптайды. Егер адам T5 тапса, оған салық салынады. Әрбір қадам бақыланады. Салық органдары болсын, кез келген құқық қорғау органдары болсын, аз мөлшерде, тіпті сіз T5 қарызыңыз болса да, олар сізден алып тастайды және сіздің барлық шоттарыңызды бұғаттайды. Ал бизнестен алынған миллиардтаған қаражатқа қатысты шаралар қолданылмайды. Мұны қалай түсінуіміз керек?» – деп сұрады адвокат.
Ол Конституциялық Кеңестің бұрынғы төрағасы Игорь Роговтың әйелі Валентина Рогованың рөліне бөлек тоқталды.
«Валентина Рогова Бимурзиннің ақпараты жалған деп мәлімдеген, бірақ 2004 жылы бұл құжаттарға сәйкес Валентина Рогова Әлия Назарбаеваның компаниясының директоры болған. Ал 2001 жылы компанияны бұл адамнан тартып алған кезде, Игорь Рогов Әділет министрі болды. Осыған байланысты сұрақ туындайды: ол әйелінің мұндай әрекетке барғанын білді ме, әлде оның ықпалын пайдаланып, оған көмектесті ме?» – деді Әбілқайыр.
Ал, қоғам белсендісі Жарқын КүрентаевTPK Asia-ны тәркілеу ісі бойынша жаңа құжаттар алғанын хабарлады. Оның айтуынша, олар Валентина Рогованың тиімді бизнеске қатысты схемаға қатысуын растай алады.
«Наурыз айының басында БАҚ Валентина Рогованың Назарбаева ханымға заңгерлік қызмет көрсеткені туралы мәлімдемесін таратты. Бірақ оның 95 пайызы Әлия Назарбаеваға тиесілі «Арлан» холдингінің директоры қызметін атқарғаны туралы құжат бар»,- деп атап өтті Жарқын Күрентаев.
Қоғам белсендісі қазақстандық құқық қорғау органдарынан көмек болмағандықтан, өздерін «Ескі Қазақстанның құрбандары» санайтын кәсіпкерлер АҚШ, Ұлыбритания, Франция және Швейцария елдеріндегі шетелдік билік органдарына хабарласып, ақпарат сұрауға мәжбүр болғанын атап өтті.
«Біз Әлия Назарбаеваның мүлкі осы жерде орналасқан деп күдіктенеміз. Біз халықаралық заң фирмаларымен келісімге қол қойып, оның шетелдегі мүлкін тінтіп, тәркілейміз»,- деді Жарқын Күрентайұлы.
Қоғам белсендісі «Әлия Назарбаеваның «Alem LTD» ЖШС компаниясы Wellness Club Luxor фитнес-орталығын салған жер телімін қалай алғанын тексеруді сұрап, активтерді қайтару комитетіне өтініш жолдағанын айтты.
