Aqtauda mektep küzetşısı bala zorlamaq boldy degen küdıkke ılındı, dep "Adyrna" ūlttyq portaly Lada.kz basylymyna sılteme jasap habarlaidy.
Qaladaǧy 10 mekteptıŋ küzetşısınen mektep ata-analary küdıktenude.
Sebebı ata-analar arasynda audiohabarlama taratylǧan. Onda demalys künderı mekteptıŋ aulasynda kämeletke tolmaǧan qyzdardyŋ oinap jürgenı aitylǧan. Habarlama mätını boiynşa oiyn balasyn mektep küzetşısı podezge şaqyrǧan. Sodan keiın ol qyzdy küzet üstelınıŋ artyna aparyp, oǧan tiıse bastaǧanda bala qaşyp qūtylypty.
"Būl sūmdyq bızdıŋ mektepte bolǧan. 52-53 jastaǧy er adam mekteptıŋ kıre berısınde otyrǧan. Qyzdy küzet bölmesıne kırgızgen. Balanyŋ qalai qūtylǧany belgısız. Kamera tūrsa da osylai jasaǧan. Qyzǧa tisıp, zorlamaq bolǧan”, – delıngen aqparatta.Būl faktını mekteptıŋ özı rastap otyr. Zardap şekken qyzdyŋ anasy polisiiaǧa aryz tüsırgen. Mektep mälımetınşe jaǧa ūstatarlyq jaǧdai 12 mamyr künı bolǧan. Qazır küzetşı qamauǧa alyndy.
"Būl faktı boiynşa qylmystyq ıs qozǧaldy, basqa aqparat tergeu müddesı üşın jariialanbaidy", – delıngen oblystyq PD habarlamasynda.
Ūqsas jaŋalyqtar
