Aqtaýda mektep kúzetshisi bala zorlamaq boldy degen kúdikke ilindi, dep "Adyrna" ulttyq portaly Lada.kz basylymyna silteme jasap habarlaıdy.
Qaladaǵy 10 mekteptiń kúzetshisinen mektep ata-analary kúdiktenýde.
Sebebi ata-analar arasynda aýdıohabarlama taratylǵan. Onda demalys kúnderi mekteptiń aýlasynda kámeletke tolmaǵan qyzdardyń oınap júrgeni aıtylǵan. Habarlama mátini boıynsha oıyn balasyn mektep kúzetshisi podezge shaqyrǵan. Sodan keıin ol qyzdy kúzet ústeliniń artyna aparyp, oǵan tıise bastaǵanda bala qashyp qutylypty.
"Bul sumdyq bizdiń mektepte bolǵan. 52-53 jastaǵy er adam mekteptiń kire berisinde otyrǵan. Qyzdy kúzet bólmesine kirgizgen. Balanyń qalaı qutylǵany belgisiz. Kamera tursa da osylaı jasaǵan. Qyzǵa tısip, zorlamaq bolǵan”, – delingen aqparatta.
Bul faktini mekteptiń ózi rastap otyr. Zardap shekken qyzdyń anasy polıııaǵa aryz túsirgen.
Mektep málimetinshe jaǵa ustatarlyq jaǵdaı 12 mamyr kúni bolǵan. Qazir kúzetshi qamaýǵa alyndy.
"Bul fakti boıynsha qylmystyq is qozǵaldy, basqa aqparat tergeý múddesi úshin jarııalanbaıdy", – delingen oblystyq PD habarlamasynda.
