Búgin «Taza Qazaqstan» respýblıkalyq ekologııalyq akııasynyń «Móldir bulaq» onkúndigi aıasynda oblys turǵyndary uzaq qystan keıin ózenderdiń, kólderdiń jaǵalaýlaryn jáne bulaq kózderin tazartýǵa shyqty.
Aqmola oblysy ishki saıasat basqarmasynyń málimetinshe, akııa tabıǵı sý aıdyndary kóp Býrabaı, Atbasar, Arshaly, Ereımentaý, Qorǵaljyn, Zerendi aýdandary men Kókshetaý qalasynyń aýmaǵynda qarqyndy júrgizilýde.
Máselen, Atbasar aýdanyndaǵy Novoselskoe aýylynda Jylandy ózeniniń sý qoımasynda senbilik ótti. Sergeev aýyldyq okrýginiń turǵyndary men belsendi jastary Esil ózeniniń jaǵasyn qoqystan tazartty. Budan ári ekologııalyq akııa Bastaý aýylynda jalǵasty.
Ereımentaý aýdanynyń Novomarkovka, Qoıtas, Bestoǵaı, Oljabaı batyr, Aqmyrza aýyldarynda Óleńti jáne Káribaı ózenderiniń jaǵalaý tazartý boıynsha akııalar ótti.
Arshaly aýdanynda Esil ózeniniń, kishi jáne úlken Saraba kólderiniń jaǵalaýlary, Anarkól kóliniń mańy jappaı jınaldy. Ekologııalyq akııaǵa qatysýǵa Arshaly aýdanynan 1500-den astam adam qatysty. Turǵyndardyń birlesken kúsh-jigerimen 22,5 km jaǵalaý tazartylyp, 63 tonnaǵa jýyq qoqys shyǵaryldy.
«Móldir bulaq» aptalyǵy aıasyndaǵy eń aýqymdy ekologııalyq akııa «Qazaqstannyń injý – marjany – Býrabaıda» kýrortynda ótti.
Býrabaı aýdanynyń ákimi Araı Sadyqov atap ótkendeı, akııa aıasynda Býrabaı kentiniń turǵyndary, eriktiler, jastar uıymdarynyń ókilderi, medıınalyq jáne bilim berý mekemeleriniń qyzmetkerleri, memlekettik qyzmetshiler jáne ardagerlerden quralǵan barlyǵy 3 myńǵa jýyq adam qatysty.
«Jylyna 1 mıllıonnan astam týrısti qabyldaıtyn aımaq retinde biz árqashan tazalyq máselesine erekshe nazar aýdaramyz. «Taza Qazaqstan» ekologııalyq akııasy bastalǵannan beri 12 myń tonnadan astam qoqys jınaldy. Búgin biz Býrabaı kenti men ýchınsk qalasynda ornalasqan kólderdiń aýmaǵyn tazalaımyz», - dedi Araı Sadyqov.
Aıta keteıik, Aqmola oblysy boıynsha bul kúnderi 250 myńǵa jýyq adamnyń qatysýymen 300-ge jýyq ekologııalyq is-shara ótkizý josparlanǵan.
