Qazaqstandaǵy eń baı olıgarhtardyń biri, Nursultan Nazarbaevtyń kúıeý balasy Tımýr Qulybaev Londondaǵy záýlim úıin 34,7 mln fýnt sterlıngke satty, dep habarlaıdy «Adyrna» tilshisi Financial Times-ke silteme jasap.
Býkıngem saraıynyń janynda ornalasqan Apper-Grosvenor kóshesindegi múlikti naýryz aıynda North Wind Capital ınvestıııalyq kompanııasy satyp alǵan. Jańa qojaıyndar ǵımaratty qaıta salýdy josparlap otyr.
Basylym dál osy kóshede Qulybaevtyń taǵy bir múlki bar ekenin jazdy. Olıgarh bul ǵımaratty da satyp jiberýge nıetti. Biraq múlikti satyp alýshy áli tabylmady.
Aıta keteıik, 2024 jyldyń basynda Tımýr Qulybaevtyń baılyǵy 4,6 mıllıard dollarǵa jetkeni belgili boldy. Onyń zaıyby Dınara Qulybaevada da osyndaı qarajat bar. Forbes álemdik reıtınginde jup 627-orynda tur.
