Tashkenttiń Iakkasaraı qylmystyq isteri jónindegi soty Izraıl elshiliginiń aýmaǵynda qasaqana órt qoıýǵa árekettengen 19 jastaǵy qala turǵynyn bes jylǵa sottady, dep habarlaıdy «Adyrna» tilshisi «Gazeta.uz»-ǵa silteme jasap.
19 sáýirde Ózbekstan memlekettik álem tilderi ýnıversıtetiniń 2 kýrs stýdenti velosıpedpen Izraıl elshiliginiń ǵımaratyna barǵan. Onyń bul áreketi dıplomatııalyq ókildiktiń janynda ornalasqan Iakkasaraı aýdandyq ishki ister bólimi qyzmetkerleriniń nazaryn aýdarǵan. Tártip saqshylaryn kórgen er adam qashyp ketýge tyrysqan. Alaıda onyń bul áreketi sátsiz boldy.
Tashkenttik jigittiń sómkesinen kerosın quıylǵan bótelke, gantel, eki qorap sirińke men mata kesekteri tabyldy. Tintý kezinde er adam polıııa qyzmetkerleriniń nazaryn basqa jaqqa aýdaryp, Izraıl elshiligine qaraı júgirgen. Osy kezde kúdikti azamatty dıplomatııalyq ókildiktiń kúzetshileri qolǵa túsirgen.
Jaýap alý kezinde Tashkent turǵyny ótken jyldyń kúzinen bastap Gaza sektoryndaǵy qaqtyǵysqa qyzyǵýshylyq tanyta bastaǵanyn, keıin «Izraıldi jek kórip», kek alýǵa sheshim qabyldaǵanyn málimdedi. Stýdent óz kinásin moıyndap, Ózbekstan prezıdenti men halqynan, sondaı-aq Izraıl elshiliginiń qyzmetkerlerinen keshirim surady.
