Ötken jūmada SANA FOUNDATION ūiymdastyruymen Qoǧamdyq Leksiia öttı. Ruhani-käsıbi damyǧysy keletınderge arnalǧan «Kök mūhit strategiiasy» taqyrybyndaǧy leksiiada öz salasynda kök mūhit strategiiasynyŋ ülgısın jasai alǧan käsıpkerler därıs öttı. Jalpy sany 220 adamdy qamtyǧan şara körermender köŋılınen şyqty.
SANA FOUNDATION Qoǧamdyq Qory bırneşe baǧytta jūmys jasaidy. Kezdesude «Kök mūhit strategiiasy» kıtabynyŋ tūsauy kesıldı. Būl kıtap Harvard Business Review baspaüiınıŋ älemde 4 million danamen taraǧan bestsellerı. Osyǧan deiın 47 tılde jaryq körgen.
Spikerler käsıp bastaǧysy keletınder üşın öz salalary turaly söz qozǧady.
«Easy Tap» IT kompaniiasynyŋ negızın qalauşysy, «Forbes 30 under 30» qatysuşysy – Maǧzūm Töleş «Startapqa öz kögıldır mūhityn qalai tabuǧa bolady?» taqyryby aiasynda söiledı. Onyŋ aituynşa, startap – ülken täuekel.
Maǧzūm Töleş biznesın Özbekstan men Qyrǧyzstan naryǧyna şyǧarǧan. Endı onyŋ käsıbı Äzerbaijannyŋ naryǧyna da şyǧuy mümkın. Ol kıtaptyŋ ömırıne äserı turaly:
«Men "Kök mūhit startegiiasy» kıtabyn 2018 jyly oqydym. Kıtapty oqyǧannan keiın sol jyldyŋ säuır aiynan bastap oilarym özgere bastady. Ony jelıdegı jazbalarymnan baiqasaŋyzdar da bolady»,-dep aitty.
Ol EasyTap IT kompaniiasyna $500 myŋ dollardan astam investisiia tartqan, qazır kompaniianyŋ 1.5 jyl ışınde qūny $10 mln dollardan asqan.
Oqyrmandarǧa qazaqşa «Sala taŋdau» iutub arnasy arqyly tanylǧan käsıpker Ūlan Qūrmanǧaliev te söz söiledı. Ol käsıpkerlerdıŋ negızgı jıberıp alatyn qatelıkterı turaly aityp, käsıptı qalai tez bastau kerektıgın jäne qandai tabysty salalary baryn baiandady.
«Kez kelgen käsıptı bırden ülken qarjymen bastauǧa bolmaidy. Käsıbıŋızge qajet jer men qūrylǧylardy bastapqyda jalǧa alyŋyz. Sol kezde şynynda sol salada jūmys ıstei alasyz ba, tek qyzyǧuşylyqpen naryqqa kırgıŋız keldı me bärı tüsınıktı bolady. Eger, ol käsıptı igere almaitynyŋyzdy tüsınseŋız, tek jalǧa alu aqysy ǧana şyǧyn bolady»,-dep keŋes berdı.
Ūlan käsıp bastau taqyrybynda kontent jasaǧandyqtan jiı täuekelge toly şeşım qabyldaidy. Jiyrma million tıptı odan da köp qarjy joǧaltqan şeşımderı turaly aityp, jas käsıpkerlerge oi saldy.
Urbo Coffee kofehana jelısınıŋ negızın qalauşysy Däuren Mūrathanūly Almaty naryǧyn qalai jaulaǧany turaly aityp berdı. Qazır onyŋ kofehanalary Almatyda eŋ köp filialǧa ie, al elımız boiynşa 40 şaqtysy bar. Ol bizneste masştabqa şyǧudyŋ joldaryn aityp berdı.
«Men käsıp bastaǧanǧa deiın memlekettık qyzmetker bolyp jūmys ıstedım. Käsıp bastauǧa ideia men qalau bar, qarjy joq bolyp jürdım. Bastapqyda franchiza alyp, tek filial retınde käsıbımdı bastadym. Qazır 7 jyl būryn aşqan Smart Point-taǧy alǧaşqy biznesım älı künge deiın jūmys ıstep tūr. Almatyda 30 ǧa juyq kofehana aşa aldym»,-dep aitty.
Avataria balalar parkter jelısınıŋ negızın qalauşy, vkorzinka.kz azyq tülık dükender jelısı iesı, YPO müşesı Almaz Tultaev 28 jyldan asa täjıribesı bar käsıpker. Öz mysalynda «Kök mūhit strategiiasynan» şabyt alǧan käsıpker atalmyş kıtaptyŋ qazaq tılıne audaryluyna demeuşılık etken. Kıtap qazır Kitapal dükender jelısınıŋ sörelerıne qoiylyp, satylymǧa şyqqan.
Sondai-aq, keştıŋ soŋyn - MBA lektory, Angliia bolaşaq stipendiiaty, biznes konsultant ärı PHD kandidat Jasūlan Kuşebaev aiaqtady. Ol kompaniialarǧa şolu jasap, käsıpkerlerge Kök mūhitqa şyǧuǧa kerek teoriialyq formulalarmen bölıstı.
Grigorii Petrovtyŋ «Finliandiia – aq lala gülder mekenı» kıtabynda Snelman esımdı keiıpkerdıŋ leksiialary eldı qalai özgertkenı söz bolady. Snelman sekıldı tūlǧalardyŋ leksiiasynan soŋ, Finliandiia batpaqtyŋ üstınde tūrǧan elden älemdegı eŋ baqytty adamdar ömır süretın elge ainalǧan. Spikerler Snelman sekıldı öz täjıribelerımen bölısıp, şaraǧa kelgen azamattardyŋ saualdaryna jauap berdı.
Qoǧamdyq leksiianyŋ maqsaty – qoǧamdy qalyptastyruşy platforma bolu arqyly elımızdegı ömır sapasyn arttyruǧa, ekonomikany jaqsartuǧa üles qosu. On jyl būryn bastalyp, araǧa bıraz jyldar salyp qaita jalǧasyn tauyp jatqan qoǧamdyq leksiia käsıpkerlık pen aǧartuşylyqty trendke ainaldyrudy közdeidı.
