Armenııa 2024 jyly UQShU-ny qarjylandyrýǵa qatyspaıdy. Bul rette Erevan UQShU-nyń 2024 jylǵa arnalǵan bıýdjeti týraly sheshimdi shekteýli formatta qabyldaýǵa qarsy bolmaıdy. Bul týraly Armenııa BAQ-qa eldiń Syrtqy ister mınıstrliginiń baspasóz hatshysy Anı Badalıan málimdedi, dep habarlaıdy “Adyrna” ulttyq portaly.
“Armenııa Respýblıkasy UQShU Ujymdyq qaýipsizdik keńesiniń 2023 jylǵy 23 qarashadaǵy «2024 jylǵa arnalǵan UQShU bıýdjeti týraly» sheshimine qosylýdan jáne sol arqyly Uıymnyń osy sheshimde kózdelgen qyzmetin qarjylandyrýǵa qatysýdan bas tartady. Sonymen birge Erevan bul sheshimniń shekteýli formatta qabyldanýyna qarsylyq bildirmeıdi», - dedi Syrtqy ister mınıstrliginiń baspasóz hatshysy Anı Badalıan.
Buǵan deıin Armenııa premer-mınıstri Nıkol Pashınıan Armenııanyń UQShU-ǵa qatysýyn toqtatqanyn málimdegen.
