Armenııa premer-mınıstri Nıkol Pashınıan 23 qarashada Mınskide ótetin Ujymdyq qaýipsizdik sharty uıymynyń (UQShU) otyrysyna qatyspaıdy. Ol bul sheshimge «túsinistikpen qaraýdy» surady, biraq bas tartý sebebin aıtpady, dep habarlaıdy "Adyrna" ulttyq portaly.
«Armenııa premer-mınıstri Nıkol Pashınıan men Belarýs prezıdenti Aleksandr Lýkashenko telefon arqyly sóılesti. Armenııa premer-mınıstri Belarýs prezıdentine UQShU Ujymdyq qaýipsizdik keńesiniń otyrysyna qatysa almaıtynyn habarlady jáne onyń UQShU-daǵy áriptesteri bul sheshimge túsinistikpen qaraıdy dep úmittenetinin aıtty», - delingen «Interfaks» agenttiginiń habarlamasynda.
LÝKAShENKONYŃ ÝAǴYZY
Áńgimeden keıin Belarýs prezıdenti Aleksandr Lýkashenko Pashınıanǵa «ydyraýǵa qaraı asyǵys qadamdar jasamaýdy» eskertti. Bul týraly Lýkashenkonyń baspasóz hatshysy Natalıa Eısmont aıtty.
Onyń aıtýynsha, «Prezıdent óziniń tájirıbesine jáne basqa da belgili saıasatkerlerdiń osyǵan uqsas jaǵdaıdaǵy áreketterine súıene otyryp, Armenııa premer-mınıstrine asyqpaı, betaldy sheshim qabyldamaı, ydyraýǵa baǵyttalǵan kelesi qadamdardy baıyppen qarastyrýdy usyndy», - dedi Eısmont hanym Belarýs memlekettik BELTA agenttigine.
Armenııa úkimetiniń baspasóz qyzmeti shaqyrtýdan bas tartýdyń naqty sebebi nede ekenin aıtpady.
KREMLDIŃ ÓKINIShI
Kreml Pashınıannyń sheshimine ókinish bildirdi.
«Biz árbir úkimet basshysynyń nemese memleket basshysynyń jumys kestesinde óz is-sharalary jáne óz jaǵdaılary bolýy múmkin ekenin túsinemiz. Biraq tek ókinishti deýge bolady, óıtkeni mundaı kezdesýler pikir almasýǵa jáne nátıjelerdi salystyrýǵa óte jaqsy múmkindik bolyp tabylady», - dedi Pýtınniń baspasóz hatshysy Dmıtrıı Peskov.
Bir apta buryn Armenııa Qaýipsizdik keńesiniń hatshysy Armen Grıgorıan TMD elderindegi áriptesterimen kezdesýge qatysýdan bas tartty. Bul sheshimniń sebepteri de aıtylmady. El atynan Máskeýdegi Elshi Vagarshak Arýtıýnıan qatysty. Qazan aıynda Pashınıan Bishkekke TMD sammıtine de, sondaı-aq EAEO jáne TMD úkimetaralyq keńesterine de barǵan joq.
BARATYN JERDEN BAS TARTÝ
Armenııa bıligi 2022 jyldyń kúzinde Ázirbaıjanmen shekaradaǵy jaǵdaıdyń shıelenisýine baılanysty UQShU-nyń jaýap bermegenine narazylyǵyn bildirdi. Nátıjesinde Erevan UQShU Ujymdyq qaýipsizdik keńesiniń deklaraııasy men Armenııaǵa kómek kórsetý jónindegi birlesken sharalar jobasyna qol qoımady.
Bıyl Armenııa óz aýmaǵynda UQShU «Myzǵymas baýyrlastyq-2023» manevrlerin ótkizýden bas tartty, olardy orynsyz dep atady, sondaı-aq uıymnyń ıadrolyq nysandaǵy apatty joıý jónindegi kezekti birlesken oqý-jattyǵýyna qatysqan joq.
Qazan aıynda Pashınıan The Wall Street Journal basylymyna bergen suhbatynda óz elinde reseılik bazalardyń saqtalýynan eshqandaı artyqshylyq kórmegenin aıtqan. Premer-mınıstr sondaı-aq Máskeýdi Qarabaqtaǵy qaqtyǵystyń shıelenisýine baılanysty odaqtastyq mindettemelerin oryndamady dep aıyptady.
