Qazaqstan Respýblıkasy premer-mınıstriniń orynbasary Tamara Dúısenova «Ǵylym ordasy» respýblıkalyq memlekettik kásipornynyń Ortalyq ǵylymı kitaphanasyna qatysty depýtattyq saýalǵa jaýap berdi, dep habarlaıdy "Adyrna" ulttyq portaly KazTAG agenttigine siltep.
«Ortalyq ǵylymı kitaphana 2012 jyldan ǵylym jáne joǵarǵy bilim mınıstrliginiń «Ǵylym ordasy» respýblıkalyq memlekettik kásipornynyń («Ǵylym ordasy») qurylymdyq bólimshesi bolyp tabylady. «Ǵylym ordasy» quramynda kitaphanadan basqa 4 mýzeı (Tabıǵat, Arheologııa, Sırek kezdesetin kitaptar jáne Qazaqstan ǵylymynyń tarıhy mýzeıleri), ǵylymı arhıv, ǵylymı kadrlardy daıarlaý ortalyǵy bar kóp fýnkıonaldy mekeme», - dep jaýap berdi Tamara Dúısenova.
Onyń aıtýynsha, kitaphananyń materıaldyq tehnıkalyq bazasyn nyǵaıtý maqsatynda restavraııa jáne konservaııa ortalyǵy quryldy. Ol 65 birlikten turatyn, jalpy somasy T625 mln quraıtyn zamanaýı restavraııalaý qondyrǵylarymen jáne ártúrli formattaǵy jyldamdyǵy joǵary óndiristik robot skanerlermen jabdyqtaldy.
Osynyń nátıjesinde 18 myńǵa jýyq sırek kezdesetin kitaptar men qoljazbalar ıfrlyq formatqa kóshirilip, oqyrmandar men ǵalymdardyń ǵylymı izdenisterine yńǵaıly bolý úshin kitaphananyń veb-saıtynda ornalastyrylǵanyn habarlady.
Sonymen qatar vıe-mınıstr memleket basshysynyń tapsyrmasyna sáıkes búgingi kúni «Ǵylym ordasy» ǵımarattarynyń kesheninde kúrdeli jóndeý jumystary júrgizilip jatqanyn, oqý zaldarynda aýa baptaǵyshtar ornatylǵanyn atap ótti.
«Jalpy kitaphana qoryn tolyqtyrýǵa jyl saıyn memleket tarapynan qarjy bólinip otyrady, sońǵy úsh jylda kitaphanaǵa T70 mln bólindi (2022 jyly – T30 mln, 2023 jyly – T17 mln, 2024 jyly - T23 mln). Kitaphananyń kitap qory 2019 jyly – 30000, 2020 jyly – 30008, 2021 jyly – 18500, 2022 jyly – 8678, 2023 jyly – 5044 birlikke tolyqqan», - dep málimdedi Dúısenova.
Sondaı-aq úkimet basshysynyń orynbasary merzimdi ǵylymı basylymdarǵa jazylý memlekettik satyp alý portaly arqyly iske asyrylatynyn jáne kelip túsken gazet, jýrnaldar men monografııalar ret-retimen sandary boıynsha tirkeýge alynyp, baǵytyna qaraı qorlarda saqtalynyp, oqyrmandardyń suraýy boıynsha berilip otyratynyn aıtty.
«Qazirgi ýaqytta kitaphana jas ǵalymdar men mamandardy ǵylymǵa tartý maqsatynda ǵylymmen aınalysýǵa arnalǵan mýltımedııalyq alańǵa aınalýda. Kitaphanada ǵalymdar turaqty negizde pánaralyq ǵylymı zertteýler júrgizip, ár toqsan saıyn semınarlar, forýmdar, kovorkıngter, sımpozıýmdar, konferenııalar jáne taǵy basqa is-sharalar ótkizilip otyrady», - dedi premer-mınıstrdiń orynbasary.
Dúısenovanyń sózinshe, kitaphana ǵylym, óndiris, bilim berý jáne memlekettik basqarý salalaryndaǵy ǵylymı mekemelermen tyǵyz baılanysta bola otyryp, álemdik jetistikterdi nasıhattaıtyn, jarııalanbaǵan qujattar qoryn qalyptastyrady. Qoljazbalardy ǵylymı sıpattaý jáne aqparattyq-kitaphanalyq proesterdi avtomattandyrý salasynda zertteý jáne ádistemelik jumystardy júrgizedi.
Osyǵan baılanysty, kitaphana ǵylymı qyzmetti damytýdyń negizgi faktorlarynyń biri ekenin eskerip, ony ǵylym ordasynyń quramynda qaldyrý mańyzdy dep oılaıdy.
"Kitaphananyń qyzmetkerleriniń jalaqysy úkimettiń qaýlysymen aıqyndalady jáne memlekettik mekemeler men qazynalyq kásiporyndardyń barlyq qyzmetkerleri úshin biryńǵaı bolyp tabylady. 2022-2023 jyldary kitaphanashylardyń jalaqysy 20% kóterilip, búginge olardyń ortasha jalaqysy T170 myń quraıdy", - dep málimdedi vıe-premer.
Aıta ketsek, májilis depýtattary «Ǵylym ordasy» RMK Ortalyq ǵylymı kitaphanasynyń jaǵdaıyna qatysty máselelerdi sheshý úshin tómendegi usynystaryn aıtqan:
1. Ortalyq ǵylymı kitaphanaǵa jeke «kitaphana» statýsyn berý kerek. Iaǵnı, «Ǵylym ordasy» respýblıkalyq memlekettik kásiporny mekemesiniń bir bólimi emes, derbes kitaphanaǵa aınalýy tıis;
2. Bir ǵasyrǵa jýyq ýaqyttan beri jınalyp kele jatqan qundy kitaptar men merzimdi basylymdardy kútimge alyp, saqtaý úshin arnaıy jabdyqtarmen qamtamasyz etilý kerek;
3. Kitaphanaǵa oqyrmandar suranysyn qanaǵattandyrý úshin jańa úlgidegi kompıýterler, kóshirme jasaıtyn apparattar alý kerek, oqý zaldary kondııonerlermen jabdyqtalý qajet;
4. Ótken jyldarda Ortalyq ǵylymı kitaphananyń kitapqa jáne merzimdi basylymdarǵa jazylýy úshin bólingen qarjynyń qaıda ketkenin, qalaı jumsalǵanyn quzyrly organdar tekserýi kerek. Sondaı-aq, Ortalyq ǵylymı kitaphana qorynyń jańa ǵylymı basylymdarmen tolyǵýyn qamtamasyz etý qajet;
5. Ortalyq ǵylymı kitaphana qyzmetkerleriniń jalaqysy ósýi tıis. Olar da basqa kitaphanalardyń qyzmetkerlerimen deńgeıles jalaqy alýy kerek.
