Qazaqstan Respublikasy premer-ministrınıŋ orynbasary Tamara Düisenova «Ǧylym ordasy» respublikalyq memlekettık käsıpornynyŋ Ortalyq ǧylymi kıtaphanasyna qatysty deputattyq saualǧa jauap berdı, dep habarlaidy "Adyrna" ūlttyq portaly KazTAG agenttıgıne sıltep.
«Ortalyq ǧylymi kıtaphana 2012 jyldan ǧylym jäne joǧarǧy bılım ministrlıgınıŋ «Ǧylym ordasy» respublikalyq memlekettık käsıpornynyŋ («Ǧylym ordasy») qūrylymdyq bölımşesı bolyp tabylady. «Ǧylym ordasy» qūramynda kıtaphanadan basqa 4 muzei (Tabiǧat, Arheologiia, Sirek kezdesetın kıtaptar jäne Qazaqstan ǧylymynyŋ tarihy muzeilerı), ǧylymi arhiv, ǧylymi kadrlardy daiarlau ortalyǧy bar köp funksionaldy mekeme», - dep jauap berdı Tamara Düisenova.
Onyŋ aituynşa, kıtaphananyŋ materialdyq tehnikalyq bazasyn nyǧaitu maqsatynda restavrasiia jäne konservasiia ortalyǧy qūryldy. Ol 65 bırlıkten tūratyn, jalpy somasy T625 mln qūraityn zamanaui restavrasiialau qondyrǧylarymen jäne ärtürlı formattaǧy jyldamdyǧy joǧary öndırıstık robot skanerlermen jabdyqtaldy.
Osynyŋ nätijesınde 18 myŋǧa juyq sirek kezdesetın kıtaptar men qoljazbalar sifrlyq formatqa köşırılıp, oqyrmandar men ǧalymdardyŋ ǧylymi ızdenısterıne yŋǧaily bolu üşın kıtaphananyŋ veb-saitynda ornalastyrylǧanyn habarlady.
Sonymen qatar vise-ministr memleket basşysynyŋ tapsyrmasyna säikes bügıngı künı «Ǧylym ordasy» ǧimarattarynyŋ keşenınde kürdelı jöndeu jūmystary jürgızılıp jatqanyn, oqu zaldarynda aua baptaǧyştar ornatylǧanyn atap öttı.
«Jalpy kıtaphana qoryn tolyqtyruǧa jyl saiyn memleket tarapynan qarjy bölınıp otyrady, soŋǧy üş jylda kıtaphanaǧa T70 mln bölındı (2022 jyly – T30 mln, 2023 jyly – T17 mln, 2024 jyly - T23 mln). Kıtaphananyŋ kıtap qory 2019 jyly – 30000, 2020 jyly – 30008, 2021 jyly – 18500, 2022 jyly – 8678, 2023 jyly – 5044 bırlıkke tolyqqan», - dep mälımdedı Düisenova.
Sondai-aq ükımet basşysynyŋ orynbasary merzımdı ǧylymi basylymdarǧa jazylu memlekettık satyp alu portaly arqyly ıske asyrylatynyn jäne kelıp tüsken gazet, jurnaldar men monografiialar ret-retımen sandary boiynşa tırkeuge alynyp, baǧytyna qarai qorlarda saqtalynyp, oqyrmandardyŋ sūrauy boiynşa berılıp otyratynyn aitty.
«Qazırgı uaqytta kıtaphana jas ǧalymdar men mamandardy ǧylymǧa tartu maqsatynda ǧylymmen ainalysuǧa arnalǧan multimediialyq alaŋǧa ainaluda. Kıtaphanada ǧalymdar tūraqty negızde pänaralyq ǧylymi zertteuler jürgızıp, är toqsan saiyn seminarlar, forumdar, kovorkingter, simpoziumdar, konferensiialar jäne taǧy basqa ıs-şaralar ötkızılıp otyrady», - dedı premer-ministrdıŋ orynbasary.
Düisenovanyŋ sözınşe, kıtaphana ǧylym, öndırıs, bılım beru jäne memlekettık basqaru salalaryndaǧy ǧylymi mekemelermen tyǧyz bailanysta bola otyryp, älemdık jetıstıkterdı nasihattaityn, jariialanbaǧan qūjattar qoryn qalyptastyrady. Qoljazbalardy ǧylymi sipattau jäne aqparattyq-kıtaphanalyq prosesterdı avtomattandyru salasynda zertteu jäne ädıstemelık jūmystardy jürgızedı.
Osyǧan bailanysty, kıtaphana ǧylymi qyzmettı damytudyŋ negızgı faktorlarynyŋ bırı ekenın eskerıp, ony ǧylym ordasynyŋ qūramynda qaldyru maŋyzdy dep oilaidy.
"Kıtaphananyŋ qyzmetkerlerınıŋ jalaqysy ükımettıŋ qaulysymen aiqyndalady jäne memlekettık mekemeler men qazynalyq käsıporyndardyŋ barlyq qyzmetkerlerı üşın bıryŋǧai bolyp tabylady. 2022-2023 jyldary kıtaphanaşylardyŋ jalaqysy 20% köterılıp, bügınge olardyŋ ortaşa jalaqysy T170 myŋ qūraidy", - dep mälımdedı vise-premer.
Aita ketsek, mäjılıs deputattary «Ǧylym ordasy» RMK Ortalyq ǧylymi kıtaphanasynyŋ jaǧdaiyna qatysty mäselelerdı şeşu üşın tömendegı ūsynystaryn aitqan:
1. Ortalyq ǧylymi kıtaphanaǧa jeke «kıtaphana» statusyn beru kerek. Iаǧni, «Ǧylym ordasy» respublikalyq memlekettık käsıporny mekemesınıŋ bır bölımı emes, derbes kıtaphanaǧa ainaluy tiıs;
2. Bır ǧasyrǧa juyq uaqyttan berı jinalyp kele jatqan qūndy kıtaptar men merzımdı basylymdardy kütımge alyp, saqtau üşın arnaiy jabdyqtarmen qamtamasyz etılu kerek;
3. Kıtaphanaǧa oqyrmandar sūranysyn qanaǧattandyru üşın jaŋa ülgıdegı kompiuterler, köşırme jasaityn apparattar alu kerek, oqu zaldary kondisionerlermen jabdyqtalu qajet;
4. Ötken jyldarda Ortalyq ǧylymi kıtaphananyŋ kıtapqa jäne merzımdı basylymdarǧa jazyluy üşın bölıngen qarjynyŋ qaida ketkenın, qalai jūmsalǧanyn qūzyrly organdar tekseruı kerek. Sondai-aq, Ortalyq ǧylymi kıtaphana qorynyŋ jaŋa ǧylymi basylymdarmen tolyǧuyn qamtamasyz etu qajet;
5. Ortalyq ǧylymi kıtaphana qyzmetkerlerınıŋ jalaqysy ösuı tiıs. Olar da basqa kıtaphanalardyŋ qyzmetkerlerımen deŋgeiles jalaqy aluy kerek.
Ūqsas jaŋalyqtar
