Pavlodar oblysynda ızdestıru-qūtqaru jūmystaryn jürgızu kezınde «Qazaviaqūtqaru» aksionerlık qoǧamyna tiesılı Mi-8 tıkūşaǧy mäjbürlı türde qondy, dep habarlaidy "Adyrna" ūlttyq portaly.
Kölık ministrlıgınıŋ mälımetınşe, oqiǧa 24 mausym künı Zaria auyly maŋynda bolǧan. Tıkūşaq bortynda 13 adam, onyŋ ışınde 5 ekipaj müşesı men 8 jolauşy bolǧan. Aldyn ala aqparat boiynşa, oqiǧa saldarynan qaza tapqandar joq. Zardap şekkender turaly mälımet naqtylanyp jatyr.
Vedomstvo būl jaǧdaidy adam şyǧyny joq aviasiialyq oqiǧa retınde baǧalap, kölıktegı oqiǧalardy zertteu departamentınıŋ mamandary oqiǧanyŋ sebepterı men män-jaiyn anyqtau üşın tiıstı tekseru jūmystaryn bastaǧanyn habarlady.
Tötenşe jaǧdailar ministrlıgı aqparat taratty. Onyŋ aituynşa, tıkūşaq 1950 jyly tuǧan azamatty ızdestıru-qūtqaru operasiiasyna qatysqan. Aldyn ala mälımet boiynşa, er adam balyq aulau kezınde motosiklden qūlap, aiaǧyn jaraqattap alǧannan keiın kömekke jügıngen.
Izdestıru jūmystary bır täulıkke juyq uaqyt boiy qūtqaruşylar, jerüstı qyzmetterı men erıktılerdıŋ qatysuymen jürgızılıp, nätijesınde azamat tabylyp, oǧan qajettı medisinalyq kömek körsetılgen. Qazırgı taŋda onyŋ ömırı men densaulyǧyna qauıp tönıp tūrǧan joq.
