"Apatpen küresken 300 sarbazdyŋ eŋbegın atap ötkım keledı". Otan qorǧauşy künıne - marapat

Memleket basşysy Qasym-Jomart Toqaev Jeŋıs künın jaqyndatuǧa atsalysqan maidangerler men tyl eŋbekkerlerıne ärqaşan qūrmet körsetıletının aitty. Būl turaly Aqorda jariialady, dep habarlaidy “Adyrna” ūlttyq portaly. Prezident ardagerlerge merekege orai jyl saiyn qosymşa tölemaqy berıletının, al biyl onyŋ kölemı üş million teŋgege deiın öskenın jetkızdı. Sonymen qatar özınıŋ bastamasymen biyldan bastap «Aibyn» ordenınıŋ üş därejesı daŋqty batyrlarymyz – Saǧadat Nūrmaǧambetovtıŋ, Bauyrjan Momyşūlynyŋ jäne Raqymjan Qoşqarbaevtyŋ atymen atalatynyn eske salyp, ūlt perzentterınıŋ batyldyǧy men batyrlyǧy bügıngı jäne bolaşaq ūrpaq üşın ülgı-önege bolatynyna nazar audardy. Memleket basşysynyŋ aituynşa, geoosaiasi tūraqsyzdyq beleŋ alǧan qazırgı jaǧdaida myqty ärı daiyndyǧy saqadai sai äskerdıŋ maŋyzy aitarlyqtai arta tüstı.  «Bızdıŋ äskeri qyzmetşılerımız BŪŪ aiasyndaǧy türlı bıtımgerlık operasiialarǧa qatysyp, özderınıŋ käsıbilıgı men joǧary deŋgeidegı jauyngerlık maşyǧyn körsetıp keledı. Juyrda Qazaqstan Golan jotalaryndaǧy missiiasyn derbes oryndau jönındegı Bırıkken Ūlttar Ūiymynyŋ mandatyna alǧaş ret ie boldy. Soŋǧy jyldary älem elderınıŋ äskeri quaty turaly reitingtegı ornymyz edäuır jaqsardy. Būl äskerımızdıŋ daiyndyǧy joǧary ekenın ärı üilesımdı äreket etetının bıldıredı. Qazaqstan jer-jahanǧa özın beibıt el retınde tanytty. Bız barlyq memleketpen dostyq qatynas ornattyq. Kez kelgen şielenıstı syndarly dialog arqyly şeşu kerek dep esepteimız. Bıraq arqany keŋge salyp, qamsyz otyruǧa bolmaidy. Quatty äskerımız türlı qaterge saqadai sai tūruǧa tiıs. Myqty äsker – eldıktıŋ tıregı», – dedı Prezident.

Memleket basşysy jiynǧa qatysuşylardy Otan qorǧauşy künımen jäne alda kele jatqan Jeŋıs künı merekesımen qūttyqtap, osy ekı meiram jauyngerlık dästürdıŋ sabaqtastyǧyn paş etetının, batyr babalarymyzdyŋ daŋqty jolyn qazır öskeleŋ ūrpaq jalǧastyryp kele jatqanyn atap öttı. Būl turaly Aqorda jariialady, dep habarlaidy “Adyrna” ūlttyq portaly.

«Bügınde aibyndy armiiamyz – eldegı tūtastyq pen tynyştyqtyŋ myqty qalqany. Quatty äskerımız beibıtşılık pen berekelı ömırdı qas qaqpai küzetıp tūr. Olar qai kezde de qasterlı Otanymyzdy qorǧauǧa daiyn. Erlık maidanda ǧana jasalmaidy. Erlıkke beibıt zamanda da oryn bar. Biyl bız soŋǧy 80 jyldaǧy eŋ joiqyn tasqynǧa tap boldyq. Elge qater töngen sätte sarbazdarymyz aldyŋǧy şepten tabyldy. Ūlttyq ūlan, Işkı ıster ministrlıgı, Ūlttyq qauıpsızdık komitetı, Tötenşe jaǧdailar ministrlıgı jäne Memlekettık küzet qyzmetınıŋ jeke qūramy antqa adal boludyŋ ülgısın körsettı. Alapat tasqynǧa tötep beru üşın 9 myŋnan astam äskeri qyzmetşı jūmyla eŋbek ettı. Myŋnan astam tehnika jetkızıldı. Syn saǧatta halqymyzdyŋ asyl qūndylyqtary anyq baiqalady. Osy oraida Soltüstık Qazaqstan oblysynda apatqa qarsy küresken 300 sarbazdyŋ eŋbegın erekşe atap ötkım keledı. Olar künı-tünı bögen salyp, qalany qarǧyn sudan qūtqaruǧa atsalysty. Jergılıktı tūrǧyndar būl sarbazdarǧa airyqşa riza boldy, olardy zor qūrmetpen şyǧaryp saldy. Mıne, halyq pen armiianyŋ myzǧymas tūtastyǧy degenımız – osy. Mūndai mysaldar az emes», – dedı Prezident.

Memleket basşysynyŋ Jarlyǧymen äskeri jäne qyzmettık boryşyn atqaruda körsetken erlıgı men janqiiarlyǧy, eldıŋ ūlttyq qauıpsızdıgı men qorǧanys qabıletın qamtamasyz etuge, zaŋdylyq pen qūqyqtyq tärtıptı nyǧaituǧa qosqan ülesı üşın elımızdıŋ bır top azamaty nagradtaldy: I därejelı «Daŋq» ordenımen: 1) Qamaletdinov Sūltan Bürkıtbaiūly – Qorǧanys ministrınıŋ bırınşı orynbasary – Qaruly Küşter Bas ştabynyŋ bastyǧy; 2) Däueşov Halidulla Zinollaūly – Aqtöbe oblysynyŋ prokurory. II därejelı «Daŋq» ordenımen: 1) Raisov Ūlan Ermūhanūly – Qarjylyq monitoring agenttıgı töraǧasynyŋ bırınşı orynbasary; 2) Dalmatov Qanatai Jorabekūly – Qorǧanys ministrlıgı äskeri bölımınıŋ komandirı; 3) Äbdırov Nūrǧalym Mäjitūly – Jambyl oblysynyŋ prokurory. Bauyrjan Momyşūly atyndaǧy II därejelı «Aibyn» ordenımen: 1) Golovin Oleg Pavlovich – Petropavl qalasynyŋ  polisiia basqarmasynyŋ inspektory; 2) Taŋatarov Bauyrjan Omarūly – Memlekettık küzet qyzmetınıŋ Airyqşa maqsattaǧy küşterı Ştab bastyǧynyŋ orynbasary; 3) Doskenov Amangeldı Serıkūly – Aqmola oblysynyŋ Ereimentau audany tötenşe jaǧdailar bölımınıŋ bastyǧy; 4) Saq Ūlyqbek Mūratūly – Qorǧanys ministrlıgınıŋ äskeri bölımı komandirınıŋ bırınşı orynbasary; 5) Ǧalymov Jandos Janatūly – Ūlttyq qauıpsızdık komitetınıŋ aǧa jedel uäkılı; 6) Nasihan Roman Serıkūly – Atyrau oblysynyŋ Qūrmanǧazy audany polisiia bölımınıŋ inspektory; 7) Orazov Dınmūhamed Ǧabitūly – Ūlttyq qauıpsızdık komitetı Türkıstan oblysy boiynşa departamentınıŋ aǧa jedel uäkılı; 8) Omarov Dias Käkımūly – Jetısu oblysynyŋ Taldyqorǧan qalasy polisiia basqarmasynyŋ inspektory. Raqymjan Qoşqarbaev atyndaǧy III därejelı «Aibyn» ordenımen: 1) Täjıǧūlov Nūrbolat Tastemırūly – Aqtöbe oblysynyŋ Tötenşe jaǧdailar departamentı ört söndıru bölımınıŋ bölımşe komandirı. «Qūrmet» ordenımen: 1) Kubekova Aina Jadyraqyzy – Sybailas jemqorlyqqa qarsy qyzmetınıŋ departament basşysy. «Erlıgı üşın» medalımen: 1) Topalov Ämırjan Merekeūly – Qostanai oblysynyŋ  Qarabalyq audany polisiia bölımınıŋ jedel uäkılı; 2) Qūsman Ädıl Dumanūly – Abai oblysynyŋ polisiia departamentı Jyldam qimyldaityn arnaiy jasaǧynyŋ inspektory. «Jauyngerlık erlıgı üşın» medalımen: 1) Öteuov Erlan Öteuūly – Bas prokuratura Qyzmet bastyǧynyŋ orynbasary; 2) Strelkov Fedor Nikolaevich – Äue qorǧanysy küşterınıŋ äskeri instituty bastyǧynyŋ orynbasary; 3) Iliias Serık Amankeldıūly – Memlekettık küzet qyzmetınıŋ basqarma bastyǧynyŋ orynbasary; 4) Aqarbekov Meiırhan Saparhanūly – Qorǧanys ministrlıgı äskeri bölımınıŋ rota komandirı; 5) Ötenov Säken Seksembaiūly – Ūlttyq qauıpsızdık komitetı Aqtöbe oblysy boiynşa departamentınıŋ aǧa jedel uäkılı; 6) İrubaev Renat Maratūly – Memlekettık küzet qyzmetınıŋ aǧa ofiserı; 7) Mūratbekov Dulat Tılemısūly – Qarjylyq monitoring agenttıgı Qostanai oblysy boiynşa Ekonomikalyq tergep-tekseru departamentınıŋ jedel uäkılı; 8) Serıkov Ädılet Almasbekūly – Ūlttyq qauıpsızdık komitetı  Şekara qyzmetınıŋ Maŋǧystau oblysy boiynşa departamentınıŋ aǧa jedel uäkılı; 9) Äbdıkärımov Tılek Dumanūly – Sybailas jemqorlyqqa qarsy qyzmettıŋ asa maŋyzdy ıster jönındegı tergeuşısı.