Prezıdent Qasym-Jomart Toqaev Ekibastuzdaǵy jóndeý jumystarynyń barysy týraly Premer-mınıstrdiń baıandamasyn tyńdar, tapsyrma berdi. Bul tiraly Aqordanyń baspasóz qyzmeti málimdedi, dep habarlaıdy “Adyrna” ulttyq portaly.
Qabyldanǵan sharalar qalany qıyn jaǵdaıdan shyǵarýǵa septigin tıgizdi. Ekibastuzǵa kelgen Premer-mınıstrdiń birinshi orynbasary Roman Sklıarǵa turǵyn úılerdi jylýmen qamtamasyz etýdi qalpyna keltirý jónindegi jumystarǵa jedel basshylyq jasaý tapsyryldy. Bul baǵyttaǵy jumystar aıaqtalýǵa jaqyn.
Memleket basshysy Úkimetke qalalardy qysqy jylytý maýsymyna daıyndaý kezinde jiberilgen qatelikterge muqııat taldaý júrgizý mindetin júktedi. Sondaı-aq Úkimetke Ekibastuzda jáne basqa da eldi mekenderde qalyptasqan kúrdeli jaǵdaıdy túbegeıli ózgertý úshin naqty sheshimder qabyldaý tapsyryldy.
Budan bólek, jekeshelendirilgen energetıkalyq aktıvterge jáne olardyń ıeleriniń jaýapkershiligine qatysty máselelerdi sheshý qajet. Prezıdent Úkimet pen quqyq qorǵaý organdarynyń barlyq jumysy óziniń jeke baqylaýynda ekenin atap ótti.
