Aqtöbe oblysynda su tasqyny saldarynan zardap şekken mal ielerıne 215,7 mln teŋge ötemaqy tölendı. Būl turaly Aqtöbe oblysy äkımınıŋ baspasöz qyzmetı mälımdedı, dep habarlaidy “Adyrna” ūlttyq portaly.
Aqparatqa säikes, Aqtöbe oblysynda su tasqyny kezınde 3232 bas mal öldı. Bärınıŋ közı joiyldy.
"Oblystyq auyl şaruaşylyǧy jäne jer qatynastary basqarmasynyŋ mälımetınşe, bügıngı künı 1202 bas malǧa 215,7 mln teŋge tölendı", - dep jazylǧan habarlamada.
Sonymen qatar, tasqyn saldaryn joiu maqsatynda qūrylǧan arnaiy komissiia älı de jūmysty jalǧastyrady. Şyǧyndy esepteumen qatar öteu de qolǧa alynǧan.
Aita keteiık, su tasqyny kezınde qyrylǧan mal ötemaqysyn töleudıŋ algoritmı bar. Ol üşın öleksesı, syrǧasy boluy kerek ärı auyl şaruaşylyǧy bazasynda tırkelgenı rastalady.
