Prezident Toqaev Qaŋtar oqiǧasy kezınde kömekke jügıngen Ūjymdyq qauıpsızdık şart ūiymynyŋ äreketıne (ŪQŞŪ) baǧa berdı, dep jazady “Adyrna. Būl turaly ol “Egemen Qazaqstan” gazetıne bergen sūhbatynda aitty.
Memleket basşysy halyq auzynda jürgen jaŋsaq pıkırge naqty jauap berdı. Ol būl şeşımımen Reseiden emes, ŪQŞŪ-dan kömek sūraǧanyn basa aitty:
”Aimaqtarda jappai tärtıpsızdık beleŋ alyp, jergılıktı bilık därmensızdık tanytqanda, Qauıpsızdık keŋesı Ūjymdyq qauıpsızdık turaly şart ūiymyna jügınu turaly şeşım qabyldady. Qazaqstan onyŋ bıtımgerlık küşterın tūraqtylyq pen qauıpsızdıktı qamtamasyz etu üşın ǧana qysqa merzımge engızudı sūrady. Būl jerde myna jaitqa basa män beru kerek. Bız būl qūrylymnyŋ müşesı retınde Reseige emes, Ūjymdyq qauıpsızdık turaly şart ūiymyna jügındık” dedı ol.
“Sol kezde osy ūiymnyŋ töraǧasy Armeniia edı. Biyl ŪQŞŪ-ǧa Qazaqstan töraǧalyq etedı. Qūrylym jasaǧy, şyn mänınde, bıtımgerlık röl atqaryp, qasırettı künderde eldı jailaǧan jügensızdıktı toqtatuǧa septıgın tigızdı. Ūiymǧa müşe-memlekettermen kelısılgendei, būl bıtımgerlık küşter aldyn ala eşqandai talap qoimastan, onyŋ üstıne merzımınen būryn Qazaqstannan syrtqa şyǧaryldy” dep baǧalady ūiymnyŋ ıs-äreketın.
Sonymen qatar, körşı elderdıŋ de yqpalyn atai kettı ol:
“ŪQŞŪ bıtımgerlık küşterı laŋkestıkke qarsy operasiialarǧa qatysqan joq, bırde-bır oq atqan joq. Armeniia jasaǧy «Aqsai» nan zauytyn jäne «Almaty su» mekemesın, Belarus jasaǧy Jetıgendegı aerodromdy, Täjıkstan men Qyrǧyz Respublikasynyŋ äskeri qyzmetşılerı Almaty qalasynyŋ bırınşı jäne ekınşı jylu elektr ortalyqtaryn, Resei jasaǧy üşınşı jylu elektr ortalyǧy men telekommunikasiia nysandaryn küzettı. Osy maŋyzdy nysandarǧa laŋkestık şabuyldar jasaluy mümkın degen qauıp boldy. Sondyqtan bıtımgerlık küşter solardy küzetuge jıberıldı. Eŋ bastysy, sol arqyly öz küşterımızdı laŋkestıkke qarsy operasiiaǧa jūmyldyruǧa mümkındık tudy” dedı prezident.
Ūqsas jaŋalyqtar
