Qazaqstanda orman qoryn qorǧau jäne küzet qyzmetı qūryldy, dep habarlaidy "Adyrna” ūlttyq portaly ükımettıŋ baspasöz qyzmetıne sıltep.
«Premer-Ministr Oljas Bektenov Orman şaruaşylyǧyn qorǧau qyzmetın qūru turaly ükımge qol qoidy», - delıngen habarlamada.
Ekologiia jäne tabiǧi resurstar ministrlıgı janyndaǧy jaŋa Respublikalyq azamattyq qorǧau qyzmetı TJ kezınde, onyŋ ışınde ormandaǧy örttı söndıru barysynda orman şaruaşylyǧy mekemelerınıŋ tiımdılıgın arttyruǧa mümkındık beredı.
Ormandaǧy örtke qarsy ıs-qimyl ormandardy köbeituge jäne aǧaştardy kesuge ǧylymi täsıldı, sondai-aq keşendı aldyn alu şaralaryn qabyldau men tiıstı qūzyretterdı damytudy qajet etedı. Bölek qyzmet qūru qajettılıgı osyndai talaptardan tuyndap otyr.
Orman qoryn küzetu jäne qorǧau qyzmetınıŋ qūryluy memlekettık organdardyŋ alapat orman örtterıne qarsy küres şaralaryn üilestıruın jaqsartuǧa, tiıstı mekemelerdı tehnikamen jäne qūral-jabdyqtarmen qamtamasyz etudı arttyruǧa, sondai-aq tabiǧi örtterdıŋ aldyn alu jäne olardy söndıru üşın bılıktı kadrlar qūramyn jasaqtauǧa mümkındık beredı dep kütılıp otyr.
Qazaqstanda 15 respublikalyq azamattyq qorǧau qyzmetı bar. Olarǧa: örtke qarsy qyzmet, medisinalyq qyzmet, himiialyq qorǧau qyzmetı, injenerlık qyzmet, radiasiiadan qorǧau qyzmetı, ūlttyq gidrometeorologiialyq qyzmet jäne t.b. kıredı.
Ūqsas jaŋalyqtar
