Bügın Batys Qazaqstan oblysynyŋ äkımı Nariman Töreǧaliev 13-15 mausym künderı AQŞ-tyŋ Vuster qalasynda ötken WPI Annual FIRST LEGO League (FLL) (WAFFLE) halyqaralyq robototehnika chempionatynyŋ qatysuşylary – Oral qalasyndaǧy Nazarbaev Ziiatkerlık mektebınıŋ oquşylarymen kezdestı.
Tidal Tumble komandasy Qazaqstan atynan 108 elden kelgen 650 komandanyŋ arasynda öner körsetıp, Engineering Excellence Awards nominasiiasy boiynşa II oryn, Robot Performance nominasiiasy boiynşa VI oryndy ielendı.
Jas önertapqyştar auadan ışuge jaramdy su aluǧa mümkındık beretın qūrylǧy - «Agua Aeris» jobasyn tanystyrdy. Būl joba qazaqstandyq jastardyŋ tehnikalyq bılımınıŋ tereŋdıgın jäne injenerlık şeberlıktıŋ joǧary deŋgeiın körsetedı.
Jeŋımpazdardy qūttyqtai otyryp, N.Töreǧaliev jaŋa buyn jaŋaşyldaryn tärbieleu men qoldaudyŋ maŋyzdylyǧyna toqtaldy:
«Bügın sızder myŋdaǧan zamandastaryŋyzǧa ülgı boldyŋyzdar. Būl jai ǧana baiqaudaǧy jeŋıs emes, būl – el bolaşaǧyna qosylǧan üles. Memleket basşysy atap ötkendei: «Qazaqstannyŋ bolaşaǧy – intellektualdy, kreativtı ärı bılımdı ūrpaqpen tyǧyz bailanysty. Osyndai jas talanttar – bızdıŋ basty kapitalymyz», – dedı öŋır basşysy.
Nariman Töreǧaliev jetı jyl boiy jeŋımpazdardy daiyndap, oblystyŋ bılım beru ortasyna injenerlık oilau mädenietın engızıp kele jatqan komandanyŋ tälımgerı Armat Maqsotovqa alǧysyn bıldırdı.
Kezdesu soŋynda öŋır basşysy qatysuşylarǧa alǧys hattar tabystap, olarǧa halyqaralyq deŋgeide jaŋa jeŋıster tıledı.
