Batys Qazaqstanda tórt myńnan iri qara mal brýellez aýrýyna shaldyqty, dep habarlaıdy «Adyrna» ulttyq portaly «Moı gorod» portalyna silteme jasap.
Batys Qazaqstan oblysynyń veterınarııa basqarmasy málimdegendeı, aýyl sharýashylyǵy janýarlary jylyna eki ret brýellezge tekserýden ótedi. Jyl basynan beri 666,8 myń iri qara mal tekserilip, 4 942-si aýrýǵa shaldyqqany anyqtalǵan. Sondaı-aq, 1,1 mıllıon usaq maldyń 1 203-i oń nátıje kórsetken.
«Búgingi tańda, 4 316 iri qara mal men 991 usaq mal sanıtarlyq soıýǵa jiberildi», – dep habarlady basqarma ókilderi.
Resmı derekterge sáıkes, sońǵy 7 jylda mal arasynda brýellez aýrýynyń deńgeıi tómendegeni baıqalady. Mysaly, 2021 jyly 6 490 bas iri qara mal aýrýǵa shaldyqsa, 2022 jyly – 5 045, al 2023 jyly bul kórsetkish 4 141 basqa deıin azaıǵan. Aýrý maldar oblystaǵy alty mamandandyrylǵan uıymǵa jiberiledi. Vedomstvonyń málimetinshe, brýellezge shaldyqqan 329 bas usaq maldyń eti úshin 5,4 mıllıon teńge ótemaqy tólengen.
