Almatyda oq atqan jasöspırım ūstaldy, dep habarlaidy "Adyrna" ūlttyq portaly.
Būl turaly qalalyq polisiia departamentınıŋ baspasöz qyzmetı mälımdedı.
«Keşe şamamen saǧat 17:00-de Almaty qalasynyŋ polisiiasyna belgısız jas jıgıttıŋ auaǧa ekı ret oq atyp, keiın oqiǧa ornynan qaşyp ketkenı turaly habarlama tüstı. Tärtıp saqşylary būzaqyny ūstap, onyŋ 16 jastaǧy jasöspırım ekenın anyqtady. Ol dybystyq tapanşadan būzaqylyq nietpen oq atqanyn moiyndady»,– dep habarlady Almaty polisiia departamentınıŋ baspasöz qyzmetı.
Jasöspırım qarudy zaŋsyz qoldanǧany üşın jauapkerşılıkke tartyldy.
«Sonymen qatar, jasöspırımnıŋ zaŋdy ökılıne kämeletke tolmaǧan balany tärbieleu mındetterın oryndamaǧany üşın hattama toltyryldy. Polisiia «Zaŋ jäne tärtıp» qaǧidaty negızınde äreket ete otyryp, Qazaqstan Respublikasynyŋ zaŋdary men qoǧamda qabyldanǧan tärtıp normalaryn qataŋ saqtauǧa şaqyrady», – dep tolyqtyrdy PD.
Ūqsas jaŋalyqtar
