Qazaqstan Respýblıkasy Ulttyq qaýipsizdik komıtetine qarasty Shekara akademııasynyń úshinshi kýrs kýrsanttary MI-8 tikushaǵynan parashıýtpen alǵashqy sekirýdi oryndady.
2024 jylǵy 10-11 sáýir aralyǵynda Shekara akademııasynyń arnaıy taktıkalyq fakýltetiniń uıymdastyrýymen «Arnaıy maqsattaǵy bólimshe ofıeri» bilim berý baǵdarlamasy boıynsha 4-oqý dıvızıonnyń 23 kýrsanty arnaıy bilim alyp jatyr.
1-fakýltetke qarasty 7-arnaıy kafedrasynyń professorlyq-oqytýshylyq quramymen QR UQK avıaııalyq qyzmet basqarmasynyń nusqaýshylary birlesip, parashıýttan sekirý boıynsha sabaqtar ótkizdi. Kafedra oqytýshysy podpolkovnık A.V.Hýrsanovtyń jetekshiligimen medıınalyq tekserýden ótken kýrsanttardyń 15 ǵana Shekara akademııasynyń tarıhynda birinshi ret MI-8 tikushaǵynan parashıýtten sekirip, naǵyz desanttyq jattyǵýlardyń ádisterin oryndady.
Aıta ketý kerek, parashıýtpen sekirer aldynda kýrsanttar tájirıbeli oqytýshylardyń nusqaýymen parashıýt júıeleriniń taktıkalyq-tehnıkalyq sıpattamalaryn, parashıýtshilerdiń kúmbezdi ashqanǵa deıingi jáne odan keıingi is-áreketterin zerttedi. Sonymen qatar qoný tártibin pysyqtap, synaqtar tapsyrdy.
«Synaq tapsyrǵan 418-oqý zastavasynyń kýrsanttary aspaly júıeni keltirý, parashıýt kııý jáne sekirý men jabdyqtaýǵa baılanysty máseleler boıynsha bilimderin rastady. Baqylaý sabaǵynda árbir kýrsant praktıkalyq is-áreketteri men daǵdylary úshin baǵa aldy», - dep túsindirdi kafedra oqytýshysy podpolkovnık A.Hýrsanov.
Kýrsanttar men birge atalmysh kafedranyń oqytýshylary podpolkovnık L.Amırhanov pen maıor S.Keńesbekovte birge sekirdi.
MI-8 tikushaǵynan sekirý sabaqtary «Sarybulaq» desanttaý alańynda júzege asty. 900 metr bıiktikten sekirgen shekarashy kýrsanttar basynda kishkene seskengenimen keıinnen bárin oıdaǵydaı ótkizdi.
Ótkizilgen sabaqtardyń nátıjesi boıynsha, kýrsanttar parashıýtpen desanttaýdy júzege asyrý daǵdylaryn alýdan bólek D-1-5Ý, 3-6 P paraıýt júıesin tóseý jáne qyzmet kórsetý daǵdysyn damytty.
Birinshi sekirý qarýsyz jáne arnaıy sómkesiz ótti. Bolashaqta kýrsanttar qarý-jaraqpen jáne tolyq jabdyqtalymmen sekiretin bolady.
Janat Jabyrbekov
