قازاقستان رەسپۋبليكاسى ۇلتتىق قاۋىپسىزدىك كوميتەتىنە قاراستى شەكارا اكادەمياسىنىڭ ءۇشىنشى كۋرس كۋرسانتتارى مي-8 تىكۇشاعىنان پاراشيۋتپەن العاشقى سەكىرۋدى ورىندادى.
2024 جىلعى 10-11 ءساۋىر ارالىعىندا شەكارا اكادەمياسىنىڭ ارنايى تاكتيكالىق فاكۋلتەتىنىڭ ۇيىمداستىرۋىمەن «ارنايى ماقساتتاعى بولىمشە وفيتسەرى» ءبىلىم بەرۋ باعدارلاماسى بويىنشا 4-وقۋ ديۆيزيوننىڭ 23 كۋرسانتى ارنايى ءبىلىم الىپ جاتىر.
1-فاكۋلتەتكە قاراستى 7-ارنايى كافەدراسىنىڭ پروفەسسورلىق-وقىتۋشىلىق قۇرامىمەن قر ۇقك اۆياتسيالىق قىزمەت باسقارماسىنىڭ نۇسقاۋشىلارى بىرلەسىپ، پاراشيۋتتان سەكىرۋ بويىنشا ساباقتار وتكىزدى. كافەدرا وقىتۋشىسى پودپولكوۆنيك ا.ۆ.حۋرسانوۆتىڭ جەتەكشىلىگىمەن مەديتسينالىق تەكسەرۋدەن وتكەن كۋرسانتتاردىڭ 15 عانا شەكارا اكادەمياسىنىڭ تاريحىندا ءبىرىنشى رەت مي-8 تىكۇشاعىنان پاراشيۋتتەن سەكىرىپ، ناعىز دەسانتتىق جاتتىعۋلاردىڭ ادىستەرىن ورىندادى.
ايتا كەتۋ كەرەك، پاراشيۋتپەن سەكىرەر الدىندا كۋرسانتتار تاجىريبەلى وقىتۋشىلاردىڭ نۇسقاۋىمەن پاراشيۋت جۇيەلەرىنىڭ تاكتيكالىق-تەحنيكالىق سيپاتتامالارىن، پاراشيۋتشىلەردىڭ كۇمبەزدى اشقانعا دەيىنگى جانە ودان كەيىنگى ءىس-ارەكەتتەرىن زەرتتەدى. سونىمەن قاتار قونۋ ءتارتىبىن پىسىقتاپ، سىناقتار تاپسىردى.
«سىناق تاپسىرعان 418-وقۋ زاستاۆاسىنىڭ كۋرسانتتارى اسپالى جۇيەنى كەلتىرۋ، پاراشيۋت كيۋ جانە سەكىرۋ مەن جابدىقتاۋعا بايلانىستى ماسەلەلەر بويىنشا بىلىمدەرىن راستادى. باقىلاۋ ساباعىندا ءاربىر كۋرسانت پراكتيكالىق ءىس-ارەكەتتەرى مەن داعدىلارى ءۇشىن باعا الدى»، - دەپ ءتۇسىندىردى كافەدرا وقىتۋشىسى پودپولكوۆنيك ا.حۋرسانوۆ.
كۋرسانتتار مەن بىرگە اتالمىش كافەدرانىڭ وقىتۋشىلارى پودپولكوۆنيك ل.اميرحانوۆ پەن مايور س.كەڭەسبەكوۆتە بىرگە سەكىردى.
مي-8 تىكۇشاعىنان سەكىرۋ ساباقتارى «سارىبۇلاق» دەسانتتاۋ الاڭىندا جۇزەگە استى. 900 مەتر بيىكتىكتەن سەكىرگەن شەكاراشى كۋرسانتتار باسىندا كىشكەنە سەسكەنگەنىمەن كەيىننەن ءبارىن ويداعىداي وتكىزدى.
وتكىزىلگەن ساباقتاردىڭ ناتيجەسى بويىنشا، كۋرسانتتار پاراشيۋتپەن دەسانتتاۋدى جۇزەگە اسىرۋ داعدىلارىن الۋدان بولەك د-1-5ۋ، 3-6 پ پاراششيۋت جۇيەسىن توسەۋ جانە قىزمەت كورسەتۋ داعدىسىن دامىتتى.
ءبىرىنشى سەكىرۋ قارۋسىز جانە ارنايى سومكەسىز ءوتتى. بولاشاقتا كۋرسانتتار قارۋ-جاراقپەن جانە تولىق جابدىقتالىممەن سەكىرەتىن بولادى.
جانات جابىربەكوۆ
