Shýaqty kóktem merekesiniń qarsańynda ásemdik pen ádemiliktiń, jylýlyq pen jarasymdylyqtyń, meıirim men mahabbattyń sımvoly ispettes jany názik jan demeseńiz ..., áıel zaty – qoǵam damýyna qozǵaý salyp, qaı is bolsyn bel ortasynan tabylyp, memlekettiń órkendeý jolynda er-azamattarmen ıyq tirestirip eńbek etip júrgen áıelder erekshe ról atqarýda. Kez kelgen is basynda áıelderdiń kásibı biliktiligi men jaýapkershiligi aıqyn ańǵarylǵan.
Olar qandaı orta bolmasyn úndestik pen úılesimdi, ózara túsinistik pen tatýlyqty jáne yntymaqty nyǵaıtýǵa uıytqy bolǵan jandar. Memleketimiz saıası ózgerister men júıeli jańǵyrý kezeńinde áıelder qaýymynyń jasampazdyq qasıeti men kúsh-qýaty Jańa Qazaqstannyń ilgerileýine septigin tıgizýde desek, artyq aıtqandyq bolmas...
Otan aldyndaǵy adal mindetterin de atqaryp júrgenderi qanshama. Ondaı dara tulǵalardan Qazaqstan Respýblıkasy UQK Shekara akademııasynda áskerı salada júrgen qyz-kelinshekter de az emes. Solardyń biri – sanaly ǵumyryn áskerı salaǵa arnaǵan tájirıbeli shekarashy, óskeleń urpaqty bilim nárimen sýsyndatyp júrgen, ónegeli tálim-tárbıe berý isiniń bilikti kásibı ofıeri polkovnık Djampeısova Jýldyz Gızatovna.
Ádette qazaq áıeliniń ǵumyry bylaısha óriledi ǵoı: ata-anasyn qýantyp ómirge keledi, boı jetip, bilim alyp, bosaǵa ózgertip, turmys qurady, balaly-shaǵaly bolady.
Al bizdiń keıipkerimizdiń ómir joly basqa qyrynan órilgen: polkovnık Djampeısova Jýldyz Gızatovna, 1980 jyly Jetisý ólkesiniń tórindegi Taldyqorǵan qalasynda zııaly otbasynda dúnıege kelgen (qysqasha anyqtama: ákesi Djampeısov Gızat Omarbekovıch – kásibı zańger, sot organyndarynda kóp jyldar boıy sot tóreshisi laýazymyn atqarǵan, al anasy Isaeva Kalamkas Esenkýlovna – oblystyq ákimshilikte aýyl sharýashylyq basqarmasynyń bastyǵy qyzmetinde bolǵan. Búgingi tańda qarııalar bala-shaǵasy men nemereleriniń ortasynda baqytty jandar ári qurmetti zeınetkerlikte). Bireý bilse, bireý bilmes degendeı Taldyqorǵan qalasynda Omarbek Jampeısov atynda úlken kóshe bar. Kezinde qalalyq atqarý komıtetiniń (gorıspolkom*) hatshysy bolǵan, memleket qaıratkeri O. Jampeısov keıipkerimizdiń atasy bolyp keledi. Emen aǵashtyń tamyry tereńde jatyr, tekti jerden tárbıe alǵan tulǵamyz osyndaı dep nyq aıtýǵa bolady.
1997-2001 jyldar aralyǵynda Ilııas Jansúgirov atyndaǵy Jetisý memlekettik ýnıversıteti fılologııa fakýltetiniń aǵylshyn tili mamandyǵy boıynsha bitirgen. Jýldyz Gızatovnanyń aıtýynsha, 4-kýrsty támamdap qalǵanda Qazaqstan Respýblıkasy UQK Jetisý oblystyq departamentinen ókilder kelip, sol kezdegi QR UQK Áskerı ınstıtýtyna oqýǵa túsý úshin úzdik stýdentterdi iriktegen. Úzdikterdiń qatarynan tabylǵan Jýldyz Gızatovna dereý qajetti qujattaryn jınap, aldaǵy ómirin áskerı salamen baılanystyrǵysy kelip, kóp uzamaı arý qala, arman qala Almatyǵa jol tartqan edi. Synaqtardan súrinbeı ótip, atalmysh joǵary áskerı oqý ornyna oqýǵa túsip, kýrsant atanǵan. Áskerı joǵary oqý ornyn bitirip, qos juldyzdy ıyǵyna taqqan «leıtenant» alǵashqy ofıerlik qyzmet jolyn sol kezdegi «Almaty» shekaralyq baqylaý pýnkti jolaýshylar bóliminiń aǵa baqylaýshysy laýazymynan bastaǵan edi. Keıinnen qyzmettik qajettilikke baılanysty qazirgi Qazaqstan Respýblıkasy UQK Shekara akademııasyna aýysyp kelip, ustazdyq jolǵa bet burǵan. Sodan beri UQK Shekara akademııasy 1-fakýltetiniń 13-arnaıy kafedrasynda qyzmet atqara júrip, qanshama kýrsanttyń sham-shyraǵyn jaǵyp, bilimdi kásibı maman ofıer bolyp qalyptasýyna óz úlesin qosyp keledi.
Shekara akademııasynda ózindik oıyp turyp ornyn alǵan «polkovnıkti» bári jaqsy biledi. Óıtkeni, ol ózine júktelgen jaýapty mindettiń údesinen shyǵyp, shákirt tárbıelep júrgen ulaǵatty ustaz. Aǵylshyn tilin jetik meńgertip, dúnıetanymdaryn jetildirýiniń arqasynda kýrsanttary ǵylymı-tájirıbelik konferenııalarda, semınarlarda, ǵylymı saıystarda júldeli oryndardy ıelenip, oza shaýyp keledi. Shet tilder kafedrasynyń professorlyq-oqytýshylyq quramymen aı saıyn joǵary ádistemelik sabaqtardy uıymdastyryp ótkizý onyń eń súıikti isi.
Polkovnık J.G. Djampeısovanyń 2024 jyly jáne aǵymdaǵy jyldyń búgingi kúnine deıin 9 ǵylymı jumysy ártúrli basylymdarda jaryq kórdi. Atap aıtqanda: «English Reading and Listening Practice» oqý jáne tyńdaýdy damytýǵa arnalǵan aǵylshyn tilindegi oqýlyqtyń jáne «English for A2 Level» (áleýmettik-mádenı, oqý jáne kásibı qarym-qatynas salasy) oqý-ádistemelik jumystardyń avtory.
Maǵjan Jumabaev atamyz «Alty alashtyń basy qosylsa – tór muǵalimdiki» degendeı, shalǵaıdaǵy Memlekettik shekarany qorǵaýshy bolashaq maman ofıerlerge til úıretip, kókiregine nur shashqan keıipkerimiz ulttyń aınasy bolýǵa ábden laıyqty ǵoı. Jaqynda ǵana polkovnık J.G. Djampeısovanyń tikeleı jetekshiligimen Shekara akademııasynyń kýrsanty E. Nýrlan Ál-Farabı atyndaǵy Qazaq ulttyq ýnıversıtetinde Almaty qalasynyń JOO-nyń arasynda ótken «Farabı álemi» atty Halyqaralyq ǵylymı-praktıkalyq konferenııasyna qatysyp, júldeger atandy.
Áriptesimizdiń jáne onyń jetekshilik etetin jumystary arqyly jetken jetistikterin osylaı jipke tizgen monshaqtaı tizbelep jaza berýge bolar edi. Áıtse de, onyń barlyǵyn bir maqala kólemine syıǵyzý múmkin emes. Sondyqtan biz onyń eń bastylaryna ǵana toqtaldyq.
Keıipkerimiz ǵasyrǵa jýyq tarıhy bar UQK Shekara akademııasynda qyzmet atqara júrip, «leıtenant» pogonynan «polkovnık» pogonyna deıin jetken qazaqtan shyqqan sanaýly qyzdardyń biri.
Jýldyz Gızatovnanyń qyzmettik jolynda jeńisti, hám jemisti sátteri jeterlik. 2011 jyly II dárejeli «Shekara áskerleriniń úzdigi» belgisimen, ulttyq qaýipsizdikti qamtamasyz etýdegi qyzmettik is-qımylda qol jetkizgen oń nátıjeleri men mindetterin adal oryndaǵany úshin Qazaqstan Respýblıkasy UQK, Shekara qyzmetiniń jáne Shekara akademııasy bastyǵymen jáne onyń orynbasarlarymen, fakýltet, kafedra basshylyǵymen marapattalǵan.
Myqty kásibı maman – árqashan da ujymnyń maqtanyshy. Polkovnık hanymnan taǵlymdy bilimin alǵan kýrsanttary búginde el qurmetine bólenip, eńbeginiń elenip júrgeni óz aldyna bólek áńgime.
Óz isine janymen berilgen Jýldyz Gızatovnamen qyzmet babynda jıi kezdesemiz. Qyzmetiniń ár mınýtyn júıeli paıdalanýǵa, sabaǵyna tııanaqty daıyndalýǵa daǵdylanǵan jan. Ózin-ózi damytyp, ǵylym-bilimge ábden den qoıǵan kózi ashyq, kókiregi oıaý tájirıbeli maman. Sonymen qatar, kafedra, fakýltettiń, Shekara akademııasynyń qoǵamdyq jumystaryna da belsene at salysady. Óz salasy boıynsha birneshe oqý-ádistemelik dúnıelerdi jaryqqa shyǵaryp úlgergen ol otbasynda meıirimdi ana, adal jar.
Jýldyz Gızatovna bolashaq joldasy Marat Polatkaryevıchpen Shekara akademııasynyń qabyrǵasynda oqyp júrip, órimdeı jap-jas kýrsant kezinde tanysqan. Sol jyldary qos ǵashyqtyń dostyǵy úlken mahabbatqa ulasqan edi. Ólerdeı ǵashyq bolyp, órimdeı jas qyzdy ýysyna túsirgen jas ofıer kóp oılanbastan sulý qyzǵa úılenýge usynys bildirgen eken. Osylaısha otbasyn quryp, altyn asyqtaı ul men kúmis qasyqtaı qyz tárbıelegen ata-anaǵa aınalǵan qos polkovnık, búginde el maqtap ári tamsandyrǵan úlgili januıaǵa aınalady. Osyndaı úlken mahabbatqa toly qyzyq ómir jolyn naqyshyna keltire áńgimelep bergen názik janymyz, óziniń shekarashy mamandyǵyn tańdaǵanyn maqtan tutady. Búginde kúntizbelik áskerı qyzmet ótili 25 jyl.
Iá, eptilik pen qyraǵylyqty, ójettik pen qaısar minezdi talap etetin áskerı salada qyzmet atqarý ekiniń biriniń mańdaıyna bere bermeıtin baq dep bilemiz. Olaı bolsa, áskerı qyzmet pen ustazdyqty qatar alyp júrgen názik jandy polkovnık Jýldyz Gızatovnany 8 naýryz – Halyqaralyq áıelder merekesimen shyn júrekten quttyqtaı otyryp, qyzyǵy men qıyny qatar júretin áskerı qyzmetińizge tolaǵaı tabystar tileımiz.
Názik jandy polkovnık hanym, kóktem merekesi kóńilińizge tek shattyq syılasyn degimiz keledi.
Janat Jabyrbekov,
QR UQK Shekara akademııasynyń
baspasóz hatshysy
