Qazaqstan ūlttyq qūramasy sadaq atudan älem chempionatynda tarihi jetıstıkke qol jetkızdı. Būl jeŋıs el qorjynyna osy sport türınen 32 jyldan keiın alǧaş ret jülde salumen erekşelendı. Būl turaly QR Turizm jäne sport ministrı Erbol Myrzabosynov mälımdedı, dep habarlaidy “Adyrna”.
Jahandyq dodada el namysyn qorǧaǧan Adelia Jeksenbinova, Viktoriia Lian jäne Roksana Iýnusova özderınıŋ şeberlıkterı men jeŋıske degen jıgerın körsetıp, Qazaqstan sport tarihynda jaŋa beles aşty.
“Memleket basşysynyŋ tapsyrmasymen elımızde sport salasyn jaŋǧyrtu jūmystary keŋ auqymda jürgızılıp jatyr. Būl – salanyŋ tiımdılıgın arttyruǧa jäne jaŋa chempiondardy tärbieleuge baǧyttalǧan maŋyzdy bastama. Bügınde otandyq sport jaŋa qarqynmen damyp keledı”, dep jazdy ministr.
Jüldelı orynǧa qol jetkızude Qazaqstan sadaq atu federasiiasynyŋ da eŋbegı zor. Federasiia prezidentı Azamat Üsımbekov pen Bas hatşy Eset Baitasovtyŋ basşylyǧymen bügınde elımızde 7 myŋnan astam sportşy sadaq atumen ainalysady. Būl sport türı Qazaqstannyŋ 15 öŋırınde belsendı damyp keledı.
Sarapşylardyŋ aituynşa, būl jetıstık – elımızde sadaq atu sportynyŋ berık ırgetasy qalanǧanynyŋ aiqyn dälelı. Sonymen qatar halyqaralyq arenada jaŋa tabystarǧa jetuge zor äleuet bar ekenın körsetıp otyr.
El tarihyndaǧy alǧaşqy medal. Ruslan Kurbanov semserlesuden älem chempionatynda qola jüldeger atandy
