Egis alqaptarynyń aldyn ala qurylymyna sáıkes oblys boıynsha jalpy jazdyq egis 5,3 mln ga quraıdy, onyń 4,8 mln ga dándi jáne dándi — burshaq daqyldary. Bul rette maıly daqyldar egisin 400 myń ga deıin, al jemshóp daqyldaryn 368,5 myń ga deıin ulǵaıtý josparda bar. Qazirgi kezde, aýyl sharýashylyǵy taýaryn óndirýshilerdi tuqymdyq materıalmen qamtamasyz etý jumystary júrgizilip jatyr.
«2024 jylǵy kóktemgi egiske tuqym qajettiligi 536,8 myń tonnany quraıdy. Ózderińiz biletindeı, ótken jylǵy kúzdegi jaýyn-shashyn astyqtyń sapasyna aıtarlyqtaı áser etti. Osyǵan baılanysty oblystyń aýyl sharýashylyǵy taýaryn óndirýshiler bıylǵy egiske qajetti tuqymdyq materıalmen qamtamasyz etý máselesin erte bastan sheshýge kiristi. Jyl basynan beri Aqmola oblysynda óńirdiń jáne Qazaqstannyń basqa da óńirleriniń attestattalǵan tuqym sharýashylyǵy sýbektilerinen, sondaı-aq Reseı Federaııasy men Eýropa elderinen 30 myń tonnaǵa jýyq jáne býdandastyrylǵan 10 myń tonnaǵa jýyq tuqymy satyp alyndy», - dedi Kenesh Álimjanov.
Basqarma basshysy atap ótkendeı, qarjylandyrýdy kútip otyrǵan, ýaǵdalastyqtary bar nemese kóktemgi egis jumystaryna tuqymmen tolyq qamtamasyz etý úshin tóleýge tıisti kelisimsharttar jasalǵan sharýashylyqtar bar.
Oblystyń iri jáne orta aýyl sharýashylyǵy taýaryn óndirýshileriniń negizgi bóligi kóktemgi egis jumystaryn júrgizý úshin tuqymmen tolyq kólemde qamtamasyz etilgen. Sonymen qatar, attestattalǵan sharýashylyqtarda satýǵa 5 myń tonnaǵa jýyq tuqym bar. Óńirde «azyq-túlik korporaııasy» arqyly taýarlyq kredıt berý arqyly azyq-túlik astyǵyn tuqym retinde satýdyń 2024 jylǵa arnalǵan baǵdarlamasy jumys isteıdi.
«Agrotehnıkalyq sharalar men ozyq tehnologııany qoldaný arqyly mol ónim alýǵa bolady. Sonymen birge, topyraqtyń qunarlylyǵy da úlken mańyzǵa ıe. Ótken jyldan bastap kóptegen aýyl sharýashylyǵy taýaryn óndirýshiler mıneraldy tyńaıtqyshtar satyp aldy. Bıyl tyńaıtqyshtardy engizý kólemin 258,5 myń tonnaǵa deıin ulǵaıtý josparlanǵan. Memleket tarapynan bul baǵyt boıynsha qoldaý kórsetilýde. Iaǵnı, 13 naýryzdan bastap otandyq tyńaıtqyshtardy satyp alýǵa avanstyq sýbsıdııalaýdyń múldem jańa tetigi engizildi. Mehanızm otandyq tyńaıtqyshtar úshin sýbsıdııalar normasyn 50 paıyzdan 60 paıyzǵa deıin ulǵaıtýdy kózdeıdi, al sheteldik tyńaıtqyshtar úshin ol tyńaıtqyshtardyń eń tómengi qunynyń 50 paıyz deńgeıinde qalady», - dedi basqarma basshysy.
Arzandatylǵan dızel otynynyń kepildik berilgen kólemine keletin bolsaq, bıylǵy egis naýqanyna qajetti dızel otynynyń kólemin qalyptastyrý aýyl sharýashylyǵy taýaryn óndirýshilerdiń elektrondyq ótinimderi negizinde gosagro.kz memlekettik aqparattyq júıesi arqyly júzege asyryldy. Pavlodar munaı-hımııa zaýytynyń 82,5 myń tonna dızel otynyna 2163 ótinim qalyptastyryldy. Sharttar jasasý, dızel otynyn tóleý jáne jetkizý úshin derbes 15 operator jáne eki iri aýyl sharýashylyǵy qurylymdary anyqtaldy.
Basqarma basshysy atap ótkendeı, qazir alańdaýǵa esh negiz joq. 22 sáýirge 59,2 myń tonnaǵa sharttar jasaldy, 37,3 myń tonna tólendi jáne 33,3 myń tonna nemese qajetti kólemniń 40,4 paıyzy jóneltildi.
Jumys kestesine sáıkes oblysta 20 jumys kúni ishinde dándi daqyldardy egý josparlanǵan. Bıyl tuqym sebý naýqanyna 15,1 myń traktor, 16,6 myń sepkish jáne 1,5 ónimdiligi joǵary egis kesheni jumyldyrylady. Qazirgi kezde óńirde kóktemgi dala jumystaryn júrgizý úshin qajetti aýyl sharýashylyǵy tehnıkalary daıyn. Sharýashylyqtar jańa aýyl sharýashylyǵy tehnıkalar satyp alyp, mashına-traktor parkin jańartyp jatyr. Zamanaýı tehnıkany qoldaný egis sapasyn qamtamasyz etýge, aýyl sharýashylyǵy óndirisine naqtyly eginshilik elementterin engizýge jáne jańǵyrtý úshin negiz jasaýǵa múmkindik beredi. 2023 jyldyń qorytyndysy boıynsha 70,2 mlrd.teńgeden astam somaǵa 2195 birlik aýyl sharýashylyǵy tehnıkasy satyp alyndy, jańartý 5,5% - ǵa jetti. Aǵymdaǵy jyldyń úsh aıynda 248 aýyl sharýashylyǵy mashınasy satyp alyndy.
Qarjylandyrýǵa keletin bolsaq. Qazirdiń ózinde fermerler Azyq-túlik korporaııasy arqyly astyqty forvardtyq satyp alý tetigi boıynsha qarajat ala alady. Sáýir aıynyń ortasynda 11,7 mlrd teńgege 81 ótinim qabyldandy. «Keń dala» baǵdarlamasy aıasynda 34,9 mlrd teńgege 363 ótinim berildi, 28 mlrd teńgeden astam ótinim berildi.
