Ǵylymı ınstıtýt dırektory, tarıhshy tarıhı zertteýlerdiń jandanyp, túrli ańyzdardan arylýǵa septigin tıgizetinin málim etti, dep habarlaıdy "Adyrna" tilshisi QazAqparatqa siltep.
Joshy ulysyn zertteý ǵylymı ınstıtýtynyń dırektory Jaqsylyq Sábıtovtyń sózinshe, sońǵy ýaqytta elimizde ǵylymdy qarjylandyrý kólemi arta túsken. Nátıjesinde birneshe jyl boıy elimizde ǵylym men tarıh salasynda qaıta órleý baıqalady.
Degenmen tarıhshy qazirgi ýaqyttaǵy problema ǵalymdardyń bir-biri úshin jazýynda ekenin aıtady. Iaǵnı, olardyń ǵylymı eńbekterimen qarapaıym azamattar tanys emes. Sondyqtan da ǵylymı zertteýlerdiń tanymaldyǵyn artyratyn jobalar ózekti bola túsken kórinedi.
«Túptep kelgende bizde ańyz óte kóp. Olar – jeke, qandaı da bir rýlyq ańyzdar. Qazirgi ýaqytta memleket tarıhymyzdy ózektendirýge tyrysyp otyr. Qazaqstannyń akademııalyq tarıhyn jańadan jazý bastaldy. Ol bilimdi ózektendirip, osy ýaqytqa deıingi oqýlyqtarmen salystyrǵanda jańa oqýlyqtardy barynsha ózekti ári senimdi qyla túsedi», - dedi Jaqsylyq Sábıtov.
