"Taza Qazaqstan" respýblıkalyq ekologııalyq akııasy aıasynda Temirtaýda senbilikke metallýrgter jáne ındýstrıaldy ýnıversıtettiń stýdentteri shyqty. Olar ózderine bekitilgen aýmaqty qoqystardan tazartyp, qýrap qalǵan butaqtardy kesip, aǵashtardy áktedi.
Ekologııalyq akııa eki urpaqty – jumys istep júrgen metallýrgter men metallýrgııa ónerkásibiniń bolashaq qyzmetkerleriniń basyn biriktirdi. Eńbek ujymymen birge bekitilgen aýmaqty jınaýǵa metallýrgııa kombınatynyń basshylyǵy da shyqty.
– "Taza ólke" akııasynyń birinshi aptasynda zaýytqa irgeles aýmaq tazartyldy. Búgin biz aǵashtardy kesý, ákteý jumystaryn júrgizip jatyrmyz. Biz úshin týǵan qalamyzdyń taza jáne jaıly bolýy óte mańyzdy, – dedi kompanııanyń bas dırektorynyń orynbasary Evgenıı Hıko. 
Akııaǵa qatysýshylar qalanyń eń úlken eki kóshesin – Respýblıka dańǵyly men Qaraǵandy kóshesin qamtydy.
"Taza Qazaqstan" respýblıkalyq ekologııalyq akııasy bastalǵannan beri senbiliktermen kompanııanyń zaýyt basqarmasyna tıesili aýmaqtar, Respýblıka dańǵyly, Temirtaý qalasy Qaraǵandy kóshesi qamtyldy. Akııaǵa kompanııanyń barlyq bólimsheleri – 2000-nan astam qyzmetker qatysty, 100-den astam tehnıka jumyldyryldy.
Sonymen qatar, "Taza Qazaqstan" akııasy bastalǵannan beri Temirtaýda senbilikterge 3,5 myń adam qatysty. Olardyń kúshimen qala kóshelerinen 5 myń tonnaǵa jýyq qoqys shyǵaryldy.
