Qaraǵandy oblysy ákimdiginiń aqparatynsha búgingi tańda júzden asa ormanshy Kırzavod aýdanyndaǵy órtengen ormanǵa 90 myń qaraǵaı kóshetterin otyrǵyzady. Ormandy jappaı qalpyna keltirý «Taza Qazaqstan» aıasynda júrgiziledi. Kóshet otyrǵyzý Qaraǵandy qalasynyń 90 jyldyǵyna josparlanǵan.
Sonymen qatar, qoǵam belsendiler men qala ómirine beı-jaı qaramaıtyn azamattar gúlzarlarǵa, saıabaqtar men úılerdiń aýlalaryna kóshet otyrǵyzýda.
Qaraǵandyda belsendiler Maıqudyq saıabaǵynda "Jastar Alleıasy" atty jańa alleıa ashty. Munda 500 kóshet otyrǵyzyldy.
Akııaǵa qalalyq máslıhattyń hatshysy Altyntóre Bókenov qatysyp, turǵyndardy qalalyq aýmaqtardy kógaldandyrý men tazalaýda belsendi bolýǵa shaqyrdy. Aǵash egý – bul tek ekologııaǵa qamqorlyq jasaý ǵana emes, sonymen qatar qorshaǵan ortamyzdy qorǵaý múmkindigi, óz esimińizdi esıelik retinde qaldyrý, dep atap ótti ol.
Ótemdik aǵash egý aıasynda Qaraǵandyda barlyǵy 3 myń kóshet egiledi.
Ekologııalyq akııaǵa "Otrajenıe" qoǵamdyq eko qozǵalysynyń ókilderi, qoǵam belsendileri men qala turǵyndar qatysty.
– Búgin jastarmen birge Temirtaý ekologııasyn jaqsartýǵa óz úlesimizdi qostyq. Qalany kógaldandyrýmen tórtinshi jyl qatarynan aınalysyp kelemiz. Biz aǵashtarǵa kútim jasaý jaýapkershiligin óz moınyna alatyn turǵyndarǵa kóshet taratamyz. Úsh jyldyń qorytyndysyna saı, jelekterdiń jersiný deńgeıi 90% quraǵanyn kórip otyrmyz. Demek, bizdiń turǵyndar aǵashtardy kútýge jaýapkershilikpen qaraıdy, – deıdi eko-belsendilerdiń jetekshisi Elena Varganova.
Barlyǵy Temirtaýda 5 myńnan astam aǵash egý josparlanýda, búgin 670 aǵash egildi.
Terekter Abaı dańǵylynda da egildi. Qala kóshelerine 150 kóshet egildi. Eko sharaǵa turǵyndar belsendi qatysty.
Qarqaralyda 200 qaraǵan, terek jáne qaraǵash kóshetteri egildi.
Qaraǵandy oblysynda "Taza Qazaqstan" aýqymdy ekologııalyq akııasy jalǵasýda. Jalpy el bolyp júrgizilip jatqan tazalyq sharasy 13 mamyrǵa deıin jalǵasady. Ár apta belgili bir ataýmen ótedi. Osy jetikúndik "Jasyl aımaq" dep atalady jáne aǵash egýge, eldi mekenderdi kógaldandyrýǵa arnalǵan.
Oblystyń qalalary men aýdandarynda jasyl jelekterli egý jalǵasatyn bolady.
