Әлия Назарбаева мен Конституциялық кеңестің бұрынғы төрағасы Игорь Роговтың әйелі Валентина Рогова рейдерлік шабуыл жасады деп айыпталуда, деп хабарлайды “Адырна” ұлттық порталы.
«2003 жылы Әлия Назарбаева өз шенін пайдалана отырып, құны 170 миллион долларды құрайтын (2003 жылғы есеп бойынша) жеті мұнай базасы мен 96 жанармай құю бекетінен тұратын операциялық кәсіпорынды басып алды. Рейд үшін ол бұрынғы иелерін түрмеге қамап, дене жарақатын саламын деп қорқытқан. Оның қоқан-лоққылары сенімдірек болуы үшін, ол күндіз Алматының орталығындағы кәсіп иелерінің бірінің әкесін ашық түрде ұрлап кеткен және куәгерлердің айтуынша, ұрлауға құқық қорғау органдарының қызметкерлерінің қатысы болуы мүмкін. Қылмыстың сыбайласы Валентина Рогова болды, ол Қазақстан Республикасы Конституциялық Кеңесінің Төрағасы, Президенттің көмекшісі болған Игорь Иванович Роговтың әйелі», - делінген сәрсенбі күні Ұлттық баспасөз клубында өтетін баспасөз мәслихаты туралы хабарландыру мәтінінде.
Айта кетейік, бұл экс-президент Назарбаевтың айналасындағы адамдарға, оның ішінде оның жақын туыстарына қатысты рейдерлік шабуыл жасады деген айып тағылуы бірінші рет емес.
