AQSh Kongressiniń ókilder palatasy Ýkraınaǵa áskerı kómek bólý týraly zań jobasyn maquldady, dep habarlaıdy “Adyrna” ulttyq portaly VVS-ge siltep.
Zań jobasyna sáıkes, Ýkraınany qoldaýǵa shamamen 61 mıllıard dollar bólinedi. Zań shyǵarý proesi aıaqtalǵannan keıin Vashıngton birneshe aı boıy toqtap qalǵan Kıevke áskerı júk jetkizýdi qalpyna keltire alady.
Jalpy somasy 95 mlrd dollardan astam áskerı kómek qarastyrylǵan zań jobasy Ýkraınamen qatar, Vashıngtonnyń odaqtastary Izraıl men Taıvanǵa da kómek kórsetýdi kózdeıdi.
Palata músheleriniń 311-i "jaqtap", 112-si "qarsy" daýys berdi, sonymen qatar zań jobasynda Ýkraınaǵa 300 km-ge deıingi qashyqtyqtaǵy nysanalardy atýǵa qabiletti uzaq qashyqtyqqa ushatyn ATACMS zymyrandary berilýi qarastyrylǵan.
Ýkraına prezıdenti Vladımır Zelenskıı Vashıngtondaǵy daýys berý nátıjesin jyly qabyldap, bul "myńdaǵan adamdardy ajal aýzynan aman alyp qalady" dep málimdedi.
"Zań jobasyn senat qabyldap, prezıdent Baıdenge jiberedi dep úmittenemiz. Amerıka, rahmet!" dedi Zelenskıı X jelisinde.
Aq úı basshysy senatorlardy zańdy tezirek qol qoıýǵa jiberýge úndedi.
Al Reseı syrtqy ister mınıstrligi “AQSh-tyń Ýkraına, Izraıl jáne Taıvanǵa áskerı kómek bólýi jahandyq daǵdarysty ýshyqtyrady” dep málimdedi.
“Kıev rejımine áskerı kómek lańkestik áreketterge tikeleı demeýshilik kórsetý, Taıvanǵa – Qytaıdyń ishki isterine aralasý, Izraılge – aımaqtaǵy buryn-sońdy bolmaǵan shıelenistiń kúsheıýine tikeleı jol”, – dedi Reseı syrtqy ister mınıstrliginiń resmı ókili Zaharova.
