"Izraıl qorǵanys kúshteri lańkestiń ata-anasyn tutqyndady jáne qaıǵyly oqıǵadan birneshe saǵat ótken soń onyń Shyǵys Ierýsalımdegi úıin qorshap aldy", - delingen Jerusalem Post basylymynda.
Keıinirek polıııa sınagogaǵa jasalǵan qarýly shabýylǵa qatysty 42 adamnyń ustalǵanyn málimdedi. Dúrbeleńge tutas dúnıe kóz tikti. AQSh Prezıdenti Djo Baıden Ierýsalımdegi teraktini órkenıetti álemge jasalǵan shabýyl dep baǵalady.
Aıta ketsek, buǵan deıin Ierýsalımniń shyǵysyndaǵy Neva-Iaak kvartalyndaǵy sınagogada áldekim oq jaýdyryp, 7 adam qaza tapqany, taǵy 10 adam jaraqat alǵany habarlanǵan. Naqtylanǵan málimetterge sáıkes, 21 jastaǵy terrorıst ózi jalǵyz áreket etken, onyń kózi joıyldy.
Lańkestiń HAMAS radıkaldy tobynyń múshesi ekeni habarlandy.
"Adyrna" ulttyq portaly
