Bügın Qyrǧyzstan prezidentı Sadyr Japarovtyŋ Qazaqstanǧa resmi sapary aiasynda Qazaqstannyŋ mädeniet qairatkerlerıne memlekettık nagradalar tabystau räsımı öttı, dep habarlaidy «Adyrna» tılşısı Mädeniet jäne aqparat ministrlıgınıŋ baspasöz qyzmetıne sılteme jasap.
Saltanatty ıs-şara barysynda Qyrǧyzstannyŋ Memlekettık hatşysy Süiınbek Qasmambetov mädeniet jäne öner ökılderın memlekettık nagradalarmen marapattau ǧasyrlarǧa ūlasqan dostyqtyŋ, ortaq mädeniettıŋ, damyp kele jatqan yntymaqtastyqtyŋ belgısı ekenın atap öttı. Sonymen qatar mädeni-gumanitarlyq bailanystardyŋ qarqyndy damuyna baǧyttalǧan qadam retınde qarastyryluy kerek ekenın söz ettı.
Qyrǧyz Respublikasy men Qazaqstan Respublikasy arasyndaǧy dostyq pen yntymaqtastyqty nyǧaituǧa qosqan eleulı ülesı üşın Qyrǧyzstan Prezidentınıŋ jarlyǧymen Qazaqstan Respublikasynyŋ qoǧam qairatkerı, mädeniettanuşy Mūrat Äuezov, körnektı aqyn, diplomat, Qazaqstan Respublikasynyŋ Qyrǧyz Respublikasyndaǧy būrynǧy elşısı Mūhtar Şahanov «Danaker» ordenımen marapattaldy. Al «Dostuk» ordenı publisist, ädebiettanuşy, jurnalist, kinosynşy, Parlament Mäjılısınıŋ būrynǧy deputaty Sauytbek Äbdırahmanovqa, memleket jäne qoǧam qairatkerı, türkıtanuşy ǧalym Myrzatai Joldasbekovke jäne Äl-Farabi atyndaǧy Qazaq ūlttyq universitetınıŋ basqarma töraǧasy, rektor Janseit Tüimebaevqa tabystaldy.«Daŋk» ordenın Halyqaralyq Türkı mädenietı men mūrasy qorynyŋ prezidentı Aqtoty Raiymqūlova ielendı.
Sondai-aq «Qyrǧyz Respublikasynyŋ Halyq ärtısı» qūrmettı ataǧy qazaqstandyq belgılı kompozitor Altynbek Qorazbaevqa, tanymal estrada änşısı Roza Rymbaevaǧa berıldı.Roza Rymbaeva mädeniettıŋ şekarasy joq ekenın atap öttı.
«1996 jyly maǧan Qyrǧyzstannyŋ eŋbek sıŋırgen mädeniet qairatkerı ataǧy berıldı. 28 jyldan keiın «Qyrǧyz Respublikasynyŋ Halyq ärtısı» qūrmettı ataǧyn alyp otyrmyn. Būl men üşın ülken jetıstık», - dedı ol.
