Özbekstan, Qazaqstan jäne Qyrǧyzstan bilıgı qyrǧyz jerınde Qambar-Ata su elektr stansiiasyn (GES-1) bırlesıp saluǧa kelıstı, dep habarlaidy “Adyrna” ūlttyq portaly.
“Nysan Naryn özenınıŋ boiynda salynady”, delıngen Qazaqstandyq aşyq normativtık qūqyqtyq aktıler saitynda jariialanǧan ükımetaralyq kelısımnıŋ jobasynda.
Qūjatqa säikes, jobany jüzege asyru üşın taraptar Qyrǧyzstannyŋ ülesı 34 paiyzdy, Özbekstan men Qazaqstannyŋ ärqaisysynyŋ ülesı 33 paiyzdy qūraityn aksionerlık qoǧam qūrady. Şarttyŋ qūryltaişylary derbes türde anyqtalady. Būl rette baǧaly qaǧazdardy beruge nemese satuǧa tyiym salynǧandyqtan, aktivterdı bölu özgerıssız qalady. Alaida qūrylys aiaqtalǧannan keiın Qambar-Ata GES-1 Qyrǧyzstannyŋ menşıgıne ötedı.
Sondai-aq kelısımde Ortalyq Aziianyŋ üş elı anyqtaǧan ūiymdarǧa su elektr stansiiasynda öndırıletın energiianyŋ barlyq kölemın satyp aluǧa kepıldık berıletını atap ötılgen. Memleketter stansiianyŋ jūmys rejimı men su aǧynynyŋ şkalasyna bırlesken baqylau alady.
Su elektr stansasynyŋ qūrylysyna aqşany kelısım taraptary beredı, al şyǧystar ışınara bankterdıŋ, halyqaralyq qarjy instituttarynyŋ nesielerı men granttaryn tartu esebınen jabylady.
Jobanyŋ qūny, sondai-aq ony jüzege asyru merzımı tehnikalyq-ekonomikalyq negızdeme bekıtılgennen keiın anyqtalady.
Ūqsas jaŋalyqtar
