Taldyqorǵanda Jeńis saıabaǵy aýmaǵynda «Taza Qazaqstan» akııasyna oraı senbilik sharasy ótti. Oǵan antııadrolyq qozǵalys belsendileri, múgedekter men «Semeı polıgony» QB jáne «Jetisý óńiriniń Chernobyl apatynan zardap shekkender odaǵy» QB ardagerleri qatysty.
Dál osy jerden bir jyl buryn barlyq Semeı men Chernobyl qurbandaryn eske alýǵa arnalǵan eskertkish ornatylǵan edi. Oblystyq ardagerler jáne múgedekter qoǵamynyń jetekshisi Mustafa Qusaıynov:
– Ótken jyly 15 qyrkúıekte oblystyq ákimdiktiń qoldaýymen eskertkish ashyldy. Oblysta «Semeı», «Chernobl» apatynyń zardabyn shekken azamattar kóp. Búgingi qaıyrymdy iske ardagerler de óz úlesin qosyp, jas urpaqqa patrıottyq tárbıeniń negizin kórsetýde. Respýblıka boıynsha «Taza Qazaqstan» ekologııalyq akııasynyń «Kıeli meken» ataýymen ótip jatqan tazalyq akııasynyń mańyzy óte zor. Biz óz tarapymyzdan árbir eskertkish kıeli meken sanatyna jatady. Sol sebepti de Semeı, Chernobl ardagerleri akııaǵa belsene atsalysyp, tazalyq jumystaryn atqarýdamyz. Dál osyndaı shara oblystyń barlyq aýdanynda ótip jatyr jáne oǵan aýdandyq ardagerler de atsalysýda.
Ardagerlerdiń sózine súıenetin bolsaq bul jumysqa júıeli túrde qatysyp, ekologııalyq tazalyqpen qashan da birge ekendikterin kórsetti. Eskertkish mańaıy tolyqtaı qoqystan tazartylyp, qalaǵa kórik beretin nysannyń kelbeti turǵyndardyń kóńiline qýanysh syılaıtyndaı.
