«Nazarbaev Qory» mańyzdy qarjylyq aktıvi Jusan Bank–ti baqylaý quqyǵynan aıyryldy. Bul týraly «Ulys Medıa» basylymy «Nazarbaev qorynyń» basshysy Aslan Sárinjipovtiń sensaııalyq málimdemesin jarııalady, dep habarlaıdy “Adyrna” ulttyq portaly.
“Jusan Bank ıeligindegi Jusan Technology holdıngi basshylyǵynyń daýly qadamdaryna baılanysty onyń mınorıtarlyq akıoneri bolyp tabylatyn Nazarbaev bilim berý qory ótken jyldyń tamyz aıynda osy mańyzdy qarjylyq aktıvti baqylaýdan aıyryldy. Biz birqatar sharalar qabyldadyq. Osy máselede ádilettilikti qalpyna keltirý sharalary men memleket qabyldaǵan sharalar biz bastaǵan jumysqa septigin tıgizedi dep kútemiz”, - dedi Aslan Sárinjipov.
Sondaı-aq, ol «Eski Qazaqstannyń» ókilderi bank aktıvterin zańsyz baqylaýǵa alǵanyn aıtty.
«Jusan» banki oǵan ATF pen esna bankiniń aktıvterin qosý arqyly qurylǵanyn biletin shyǵarsyz, oǵan memleket óz kezeginde qarjylyq qoldaý kórsetti. Jusan tulǵasynda óziniń qarjylyq aktıvin qurý arqyly Nazarbaev Bilim berý qory alynǵan paıda esebinen Nazarbaev ýnıversıteti men Nazarbaev zııatkerlik mektebin damytady, osylaısha bıýdjetke túsetin júktemeni azaıtady dep boljanǵan. Biraq qańtar tragedııasy oryn alyp, «Kóne Qazaqstannyń» ókilderi bizdiń bank aktıvterin zańsyz baqylaýǵa aldy.
Bir kezderi Jusan tobyn baqylaý AQSh-ta tirkelgen endaýment qorynyń qamqorshylyq keńesiniń músheleri bolǵan Qazaqstan ókilderi arqyly júzege asyrylǵan. Birden túsindire keteıin, bul qor NÝ men NZM-di tikeleı qarjylandyrýy kerek edi, al AQSh-ta tirkelý damyǵan zańnama men tıimdi salyq salý júıesi arqasynda halyqaralyq arenada erkin jumys isteýge múmkindik berdi. Biraq qısynsyz sebeptermen qazaqstandyqtar qordyń qamqorshylyq keńesinen shyǵaryldy, sonyń saldarynan bank tobyn baqylaý joıyldy. Oǵan otandyq bilim berý júıesin qoldaý men damytýǵa jumsalýy tıis qarjynyń maqsatsyz jumsalýyn toqtatý áreketi sebep boldy. Onyń ornyna «Jusan Technology» holdınginiń basshylyǵy dıvıdendtterdi tóleýge, memleket tarapynan kórsetilgen kómekti qaıtarǵanǵa deıin qarajat bólýdi josparlaǵan. Biraq bizdi jumystan zańsyz shyǵardy, al Jusan qańtar oqıǵasynan keıin Qazaqstandy ózderine qaýipsiz turatyn elge aýystyrýdy jón kórgen adamdardyń baqylaýyna ótti. Men bul sheshimmen kelispeıtinimdi resmı túrde bildirgenimdi atap ótkim keledi.
Biz amerıkalyq qordyń jańa qamqorshylaryna eki ret resmı shaǵym túsirdik, biraq jaýap alǵan joqpyz. Qazir biz amerıkalyq qordaǵy Qazaqstan ókilderin qalpyna keltirý úshin AQSh-ta sotqa shaǵymdanýǵa kiristik. Sondaı-aq, NQ atynan Qazaqstan aýmaǵynda zańsyz tárkilengen múlikti qaıtarý týraly talap-aryz daıyndaldy. Bas prokýratýramen aldyn ala konsýltaııalar júrgizildi jáne bul proess sońǵy satyda dep aıtýǵa bolady. Biz ulttyq múddeni qorǵaý týraly aıtyp otyrǵandyqtan, qadaǵalaý organy bizdi qoldap, ádildik ornaıtynyna senimdimin.
Aktıv NQ bilim berý qorynyń basqarýyna qaıtarylǵannan keıin kómek memleketke, al ulttyq kompanııalarǵa olardyń depozıtteri qaıtarylady. Jusan-nyń mundaı múmkindigi bar. Odan keıin osy aktıvten NÝ jáne NZM qarjylandyrý strategııasy ázirlenetin bolady, osylaısha buryn qarastyrylǵandaı olardy qoldaýǵa arnalǵan bıýdjettik shyǵyndardy azaıtady. Biz báriniń ádil bolǵanyn qalaımyz» - dedi ol.
