Qaraǧandy oblysynda, bükıl Qazaqstandaǧydai, qalalar men audandardyŋ köşelerı, gülzarlary jäne saiabaqtary tazartyluda. Bügın "Taza Qazaqstan" aksiiasy aiasynda "Taza beisenbı" ötude.
Eldı mekenderdıŋ köşelerıne memlekettık qyzmetkerler, biznes ökılderı, tūrǧyndar men erıktıler şyqty. Aksiiaǧa myŋnan astam ūiymdar men käsıporyndar qosyldy. Olar qoqystardy jinaidy, aumaqtardy körkeitedı.
Atap aitqanda, Qaraǧandyny jinau üşın qala sektorlar boiynşa bölındı. Kün saiyn 5 myŋ tekşe metrden astam qoqys pen qatty qaldyqtar şyǧarylady.
Bügın Qaraǧandy äkımdıgınıŋ, Qazybek bi jäne Älihan Bökeihan audandarynyŋ belsendılerı men qyzmetkerlerı halyq tyǧyz qonystanǧan aumaqtardy tazartpaqşy.
Būl Oŋtüstık-Şyǧystaǧy tūrǧyn üi keşenderınıŋ ainalasyndaǧy aula alaŋdary, Vostok-1, 2, 3 şaǧyn audandary. 7 myŋ tekşe metrden astam qoqys pen QTQ şyǧaru josparlanuda.
Kökpektı auylynyŋ ekobelsendılerı Qaraǧandy – Qarqaraly tas jolynyŋ boiynda senbılık ötkızdı.
“Bız Kökpektı auyldyq okrugınıŋ qoǧam qairatkerlerımız. Üşınşı kün qatarynan Qaraǧandy – Qarqaraly tas jolynyŋ boiyn qoqystan tazartyp jatyrmyz. Audanymyzdyŋ basqa tūrǧyndaryn da osy şaraǧa qosyluǧa şaqyramyz!" – dep belsendıler jerlesterıne jügınedı.
Aksiiany balqaştyqtar da qoldady. Onda sanitarlyq tazartu boiynşa auqymdy chellendj ıske qosyldy. Būl şaraǧa qoǧamnyŋ ärtürlı toptary: studentter, erıktıler, käsıpkerler, köpqabatty üilerdıŋ tūrǧyndary, polisiia qyzmetkerlerı men kommunaldyq qyzmetter qoldau körsettı.
Baiseiıtova köşesındegı № 3 üidıŋ tūrǧyndary öz aulalarynda senbılık ūiymdastyrdy. Aula aumaǧyn bırge tazartyp, aǧaştar men qorşaulardy äktedı, joldardy sypyrdy, qoqystardy jinady.
Azamattardan qoqys tastamaudy jäne tazalyq pen tärtıptı saqtaudy sūraimyz. Sondai-aq, barşaŋyzdy üi maŋyndaǧy aumaqtardy tazalauǧa üles qosuǧa jäne qalany bırlesken küş-jıgermen jaily, qauıpsız jäne taza etuge şaqyramyz", – dep qala tazalyǧyna bei-jai qaramaityn belsendıler qala tūrǧyndaryn senbılıkke şyǧuǧa şaqyrdy.
Bügıngı taŋda qalada 3000-ǧa juyq qoqys jinaldy.
Sondai-aq, aǧaştardy sanitarlyq kesu, qalanyŋ syrtqy kelbetın retke keltıru jäne kögaldandyru ūiymdastyryldy.
"Taza Qazaqstan" ekologiialyq aksiiasy bes aptaǧa sozylady.
