Oŋtüstık Koreiada jūmys ıstep jürgen Qazaqstan azamaty qaza tapty, dep habarlaidy "Adyrna" tılşısı QazAqparatqa sıltep.
30 jastaǧy qazaqstandyq aǧyndy sudy tazartu kezınde mert bolǧany anyqtalǧan. Aldyn ala mälımetter boiynşa, ony toq soqqan.
Qaiǧyly oqiǧa 2024 jyldyŋ 8 säuırınde tüsten keiın bolǧan. Azamat Chondju qalasyndaǧy şyny zauytynda tazartu qondyrǧysyn tazartuşy bolǧan.
Qazır jergılıktı polisiia men Eŋbek jäne jūmyspen qamtu ministrlıgı tergeu jürgızude. Al elımızdıŋ Syrtqy ıster ministrlıgı qazaqstandyqtyŋ Oŋtüstık Koreiadaǧy zauytta qaitys bolǧanyn rastady.
«Öndırıste qaza tapty, qazır tuystarymen bailanysyp, qajettı qūjattardy räsımdep jatyrmyz», – dedı SIM resmi ökılı Aibek Smadiiarov.
Ūqsas jaŋalyqtar
