Prezident qazaqstandyqtardy Oraza ait meiramymen qūttyqtady, dep habarlaidy "Adyrna" tılşısı Aqordaǧa sıltep.
"Būl – mūsylman qauymynyŋ erekşe yqylaspen qarsy alatyn ūlyq merekesı. Qasiettı Ramazan aiynda jūrt adamgerşılık qūndylyqtarǧa basa män beredı, ruhani tazaruǧa ūmtylady. Mūqtaj jandarǧa qol ūşyn sozyp, ainalasyna qaiyrymdylyq körsetedı. Otyz kün orazadaǧy sabyr men qanaǧatqa negızdelgen igı amaldyŋ bärı Ait merekesınıŋ şynaiy bolmysyn aişyqtai tüsedı. Ata dınımız adamzatty tatulyq pen tynyştyqqa, qamqorlyq pen meiırımdılıkke, janaşyrlyq pen jasampazdyqqa ündeidı. Adal eŋbek etıp, adal tabys tabuǧa şaqyrady. Mūnyŋ barlyǧy, tüptep kelgende, bükıl elımızdıŋ yrysty yntymaǧyn arttyruǧa yqpal etedı", - dedı Prezident.Sondai-aq Memleket basşysy:
"Halqymyzdyŋ salt-dästürı islam dınınıŋ, Ramazan aiynyŋ jäne Ait meiramynyŋ ūlaǧatymen ūştasyp jatyr. Būl sabaqtastyq berekelı bırlıgımızdı nyǧaityp, ädılettı qoǧam qūru jolynda maŋyzdy röl atqarady. Elımız aman, jūrtymyz tynyş bolsyn! Är şaŋyraqqa baq-bereke jäne tolaǧai tabys tıleimın! Ait qabyl bolsyn, aǧaiyn!" - dedı öz qūttyqtauynda Qasym-Jomart Toqaev.Prezident öz qūttyqtauynda eldegı su tasqyny jaiynda söz qozǧaǧan joq.
Ūqsas jaŋalyqtar
