Premer-Ministr jūmys saparymen Qyrǧyzstanǧa bardy, dep habarlaidy "Adyrna" tılşısı Ükımettıŋ baspasöz qyzmetıne sıltep.
Memleket basşysynyŋ tapsyrmasymen Ükımet basşysy Oljas Bektenov qysqa merzımdı jūmys saparymen Qyrǧyz Respublikasyna bardy. Bışkekte Bektenovty Qyrǧyzstan Prezidentı Sadyr Japarov qabyldady.
Ol Prezident Qasym-Jomart Toqaevtyŋ sälemın jetkızıp, Qazaqstan Ükımetı ekıjaqty sauda-ekonomikalyq yntymaqtastyqty odan ärı damytu üşın bar küş-jıgerdı jūmsauǧa daiyn ekenın bıldırdı.
Qos tarap özara tauar ainalymyn $2 mlrd-qa deiın ūlǧaitu jönındegı bırlesken şaralardy talqylady.
Odan bölek Qazaqstan $260 mln somasyna 195 tauar pozisiiasy boiynşa eksportty ūlǧaituǧa daiyn. Azyq-tülık, önerkäsıp, mūnai-himiia, qūrylys, farmasevtika jäne basqa da salalardyŋ äleuetı zor ekenı aityldy.
Premer Bektenov 2024 jylǧy vegetasiialyq kezeŋde memleketaralyq paidalanudaǧy su şaruaşylyǧy obektılerınıŋ jūmys rejimderın bekıtudıŋ maŋyzyn atap öttı.
Kezdesu barysynda taraptar bılım, mädeniet jäne turizm salalaryndaǧy özara ıs-qimyl mäselelerın de talqylady.
Eske sala keteiık, Qazaqstannyŋ Jambyl oblysymen şektesetın Qyrǧyzstannyŋ Kirov su qoimasy 81%-ǧa tolǧany turaly jazǧan bolatynbyz.Ūqsas jaŋalyqtar
