Shyǵys Qazaqstanda muz astyna túsip ketken balyqshylar qutqaryldy, dep habarlaıdy “Adyrna” tilshisi QazAqparatqa siltep.
TJD Ulan aýdanyndaǵy Sibe kólindegi balyqshylardy jaqyn mańda júrgen adamdardyń qutqarǵanyn habarlady.
«Balyqshynyń biri muz ústinde júrip kele jatyp, kenet astyna túsip ketti. Óskemen qalasynyń turǵyny Aleksandr Alekseev muny baıqap, abdyrap qalmaı sol adamǵa tross laqtyrǵan. Sonyń kómegimen ol balyqshyny shyǵaryp aldy», - delingen aqparatta.
Aleksandr esimdi azamat pen onyń qasyndaǵy azamattar kólden úıge ketýge jınalyp jatqanda muz astyna qulaǵan taǵy bir adamdy kórgen.
«Er adamǵa eńbektep muzǵa shyq dep aıqaıladym. Sodan keıin kómek kórsetken basqa adamdarmen birge oǵan arqan men shanany laqtyrdyq. Áıteýir azamat qorqynyshyn jeńip, sýdan shyǵyp, shanaǵa jete aldy. Basqa kýágerlermen birge ony qaýipsiz aımaqqa shyǵardyq», - deıdi Aleksandr Alekseev.
