Batys Qazaqstanda su tasqyny qaupı seiılmei tūr. Aimaqta 7 myŋǧa juyq adam evakuasiialanǧany belgılı boldy, dep habarlaidy "Adyrna" tılşısı QazAqparatqa sıltep.
Oblys äkımı Nariman Töreǧaliev öŋırdegı su tasqynyna bailanysty ündeu jasady.
Äkım Reseidıŋ körşıles Saratov jäne Orynbor oblystaryndaǧy su qoimalarynan köp mölşerde su jıberılıp jatqanyn aitady. Saratov oblysyndaǧy Priuzen su qoimasynan Qaraözenge sekundyna 431 tekşemetr su tüsıp jatqany anyqtaldy. Qazırgı uaqytta öŋırde su tasqynynyŋ ekınşı kezeŋı bastalǧan. Körşıles Reseidıŋ Orsk qalasynda damby būzylyp, eldı mekender men tūrǧyn üilerdı su basqan. Būl Batys Qazaqstan oblysyna da qauıp töndıruı mümkın eken. Al Orynbor oblysynyŋ Orsk qalasynda ekınşı dambynyŋ jarylǧanyn Resei Tötenşe jaǧdailar ministrlıgınıŋ baspasöz qyzmetı habarlaǧan.«Qūrmettı batys qazaqstandyqtar! Tasqyn sudyŋ saldarynan öŋırımızdıŋ 5 audanynda jäne Oral qalasynda bırneşe tūrǧyn üilerdı su basqan bolatyn. Būdan bölek, Oral qalasy maŋyndaǧy saiajailarǧa da su kırdı. Jalpy oblys boiynşa 7 myŋǧa juyq adam qauıpsız jerge köşırıldı, onyŋ 3 myŋnan astamy – balalar. Evakuasiialyq punktterde qajettı jaǧdailar jasalyp jatyr», - dedı äkım.
"Orsk qalasynda ekınşı jaǧalau bögetınıŋ jaryluy boldy. Reseidıŋ Tötenşe jaǧdailar ministrlıgı su basuy mümkın aimaqtarǧa aldyn ala küşter men qūraldardy jinady. Evakuasiialau jalǧasuda", - dep habarlaidy RF Tötenşe jaǧdailar ministrlıgı.Reseidıŋ Tergeu komitetı jauaptylardyŋ üstınen qylmystyq ıs qozǧaǧan. Saldarynan Jaiyq özenındegı su deŋgeiı öte qauıptı deŋgeige jetuı mümkın degen boljam jariialandy. Qazaqstannyŋ Tötenşe jaǧdailar ministrlıgı Orsk qalasyndaǧy bırınşı bögettıŋ būzyluy Batys Qazaqstan oblysyna qauıp töndırmeitının aitqan edı.
Ūqsas jaŋalyqtar
